15.01.2025 | 19:49
Լոս Անջելեսի շրջանում «հատկապես վտանգավոր իրավիճակ» է հայտարարվել
ԵՄ-ն այսօր գրավոր կհաստատի Ռուսաստանի Դաշնության դեմ պատժամիջոցների 9-րդ փաթեթը
Քաղաքականություն
16.12.2022 | 11:11
Եվրամիության 27 երկրների մշտական ներկայացուցիչները համաձայնեցրել են Ռուսաստանի դեմ պատժամիջոցների իններորդ փաթեթը։ Այս մասին դեկտեմբերի 15-ի երեկոյան թվիթերյան միկրոբլոգում հայտնել է Եվրամիությունում Չեխիայի նախագահությունը, գրում է DW-ի ռուսական ծառայությունը։
«Սա Ռուսաստանի դեմ պատժամիջոցների երրորդ փաթեթն է, որը համաձայնեցվել է ԵՄ-ում Չեխիայի նախագահության շրջանակներում, այն վաղը կհաստատվի գրավոր ընթացակարգով»,- ասվում է զեկույցում։
Անցյալ շաբաթ Եվրահանձնաժողովի նախագահ Ուրսուլա ֆոն դեր Լեյենը ներկայացրել էր Ռուսաստանի դեմ պատժամիջոցների նոր փաթեթ։ Սև ցուցակում, ըստ ֆոն դեր Լեյենի, կներառվեն ռուսաստանցի մոտ 200 ֆիզիկական և իրավաբանական անձինք: Նրանց թվում են Ռուսաստանի զինված ուժերի հետ կապված անձինք և ընկերություններ, ռազմարդյունաբերական համալիրի ձեռնարկություններ, Պետդումայի պատգամավորներ և Դաշնային խորհրդի անդամներ, ինչպես նաև նախարարներ, նահանգապետներ և այլ քաղաքական գործիչներ։
«Այս ցուցակը ներառում է Ռուսաստանի դաժան և կանխամտածված հրթիռային հարձակումների հետ կապ ունեցող հիմնական դեմքերին, ուկրաինացի երեխաների առևանգման և ուկրաինական գյուղատնտեսական ապրանքների գողության հետ կապ ունեցողները», – պարզաբանել է Եվրահանձնաժողովի ղեկավարը:
Որպես պատժամիջոցների 9-րդ փաթեթի մաս՝ ԵՄ հանձնաժողովն առաջարկել է արտահանման լրացուցիչ սահմանափակումներ մտցնել երկակի նշանակության ապրանքների, մասնավորապես՝ որոշակի քիմիական բաղադրիչների, էլեկտրոնիկայի և ծրագրային ապահովման համար անհրաժեշտ սարքավորումները, որոնք կարող են օգտագործվել ռուսական ռազմական արդյունաբերության մեջ։
Տաթև Ֆռանգյան
