09.10.2026 | 14:52
Չեռնոգորիայում ձերբակալվել է ՀՀ ընտրություններին միջամտած «Рыбарь» նախագծի ղեկավար Միխայիլ Զվինչուկը
Սպիտակ տունը ներկայացրել է COVID-19-ի «Նախապատրաստության ծրագիր»
Քաղաքականություն
15.12.2022 | 23:21
Սպիտակ տան հայտարարության մեջ ասված է, որ չնայած COVID-19-ն այլեւս չունի կործանարար այնպիսի ուժ, ինչպես նախկինում, այս հիվանդության վարակն այնուամենայնիվ շարունակում է տարածվել:
«Ամերիկայի ձայն»-ը գրում է, որ ԱՄՆ-ի Հիվանդությունների վերահսկման և կանխարգելման կենտրոնի (CDC) վերջին տվյալների համաձայն, աճել են հիվանդության գրանցված դեպքերը, մեծացել է հոսպիտալացումների եւ մահացությունների թիվը:
Սպիտակ տունը հայտնել է, որ ի լրումն արդեն գոյություն ունեցող անվճար թեստավորման կայքերի, սկսած հինգշաբթի օրվանից, բոլոր ընտանիքները կարող են պատվիրել ընդհանուր առմամբ տնային չորս թեստ, որոնք անմիջապես փոստով կառաքվեն անվճար:
Նախագահ Ջո Բայդենի վարչակազմը նաև ընդլայնում է անվճար թեստերը կարիքավոր անձանց անվճար սնունդ տրամադրող մինչև 500 խոշոր հաստատությունների համար:
Սպիտակ տունը հայտնել է, որ ԱՄՆ-ի Առողջապահության և սոցիալական ծառայությունների նախարար Հավիեր Բեկերան հինգշաբթի օրը նամակ է ուղարկել բոլոր նահանգապետերին՝ նշելով այն գործողությունները, որոնք նրանք պետք է ձեռնարկեն՝ ձմռանը սպասվող դեպքերի և հոսպիտալացումների գործում պատրաստ լինելու համար:
