09.09.2026 | 16:01
Վահե Ղալումյանը՝ ԱԺ տարածքային կառավարման և շրջակա միջավայրի պահպանության հարցերի մշտական հանձնաժողովի փոխնախագահ
Ադրբեջանը չի պատժվում` շարունակում է. միջազգային հանրությունից ակնկալում ենք հստակ քայլեր․ ՏԵՍԱՆՅՈՒԹ
Քաղաքականություն
15.12.2022 | 16:46
Արցախահայերն ակցիաներ են նախաձեռնել՝ ԱՀ պետնախարարի խորհրդական Արտակ Բեգլարյանի և Արցախի ՄԻՊ Գեղամ Ստեփանյանի առաջնորդությամբ։
Նախատեսված է ակցիան իրականացնել ՀՀ-ում ԱՄՆ-ի, Չինաստանի, Ռուսաստանի Դաշնության, Ֆրանսիայի դեսպանատների, Եվրամիության պատվիրակության գրասենյակի առաջ՝ իրենց բողոքը հայտնելու Ադրբեջանի կողմից Լաչինի միջանցքը փակելու առնչությամբ։
Ակցիաների նպատակն է հասնել միջազգային հանրության կողմից Ադրբեջանի սադրանքների հասցեական դատապարտմանը, գործնական քայլերի՝ ուղղված Արցախի առաջ ծառացած հումանիտար ճգնաժամի հաղթահարմանը։
«Այն, ինչ կատարվում է, Ադրբեջանի բացահայտ անպատժելիության հետևանք է,- անդրադառնալով Լաչինի միջանցքի փակմանը և դրա հետևանքով առաջացած խնդիրներին՝ հայտարարեց ՀՀ նախկին ՄԻՊ Արման Թաթոյանը, ով նույնպես մասնակցում էր ՀՀ-ում Եվրամիության պատվիրակության գրասենյակի առաջ իրականացվող ակցիային։
«Ինչ-որ անում են, չեն պատժվում և ավելի մեծ տեմպերով են շարունակում։ Ադրբեջանի իշխանություններն արդեն չեն էլ թաքցնում, որ սա անկախ ակտիվիստների բնապահպանական ակցիա չէ, այլ իրենց կազմակերպածն է։ Անչափ կարևոր է նրանց պատասխանատվության ենթարկելը։ Ադրբեջանի իշխանությունները 44-օրյա պատերազմից հետո որևէ պատասխանատվության չենթարկվեցին։ Եվ այն, ինչ տեղի է ունենում հիմա, հենց դրա հետևանքն է»,- նշեց Թաթոյանը։
ՀՀ նախկին ՄԻՊ-ն ընդգծեց, որ միջազգային հանրութունից, մասնավորապես ԵՄ-ից ակնկալվում են գործնական քայլեր՝ ընդդեմ Ադրբեջանի վարած էթնիկ զտումների ու խոշտանգումների քաղաքականության։
«Արցախցիներին անհրաժեշտ են երկարաժամկետ երաշխիքներ»,- ընդգծեց Թաթոյանը։
Մանրամասները՝ տեսանյութում։
