13.09.2026 | 16:49
Փաշինյանը շնորհավորել է Հայաստանի հրեական համայնքին՝ Ռոշ Հաշանայի առիթով
Բաքվի կողմից Ուկրաինային որպես օգնություն գեներատորների փոխանցումը Մոսկվայում տարակուսանք է առաջացնում․ ՌԴ ԱԳՆ
Քաղաքականություն
15.12.2022 | 20:36
Ադրբեջանի կողմից տրանսֆորմատորների և գեներատորների տեղափոխումն Ուկրաինա՝ «որպես մարդասիրական օգնություն», տարակուսանք է առաջացնում Ռուսաստանում։ Այս մասին ՏԱՍՍ-ին հայտնել է ՌԴ ԱԳՆ աղբյուրը։
«Բաքվի կողմից նման քայլը տարակուսանք է առաջացնում։ ՌԴ Զինված ուժերը հատուկ ռազմական գործողության շրջանակում ոչնչացնում են Ուկրաինայի կարևոր ենթակառուցվածքը, որն օգտագործվում է Կիևի ռեժիմի կողմից ռազմական կարիքների համար: Ադրբեջանական մատակարարումները, որոնք դժվար թե հիմնովին փոխեն իրավիճակը, մարդասիրական օգնություն չեն»,- ասել է աղբյուրը։
Նա նաև ուշադրություն է հրավիրել որոշ ադրբեջանցի վերլուծաբանների կարծիքին, որոնք նշել են, թե մատակարարվող սարքավորումները պահանջարկ ունեն հենց հանրապետությունում՝ հաշվի առնելով Արցախի գրավյալ տարածքների վերականգնման անհրաժեշտությունը և աճող սոցիալ-տնտեսական մարտահրավերները։
Նշենք, որ դեկտեմբերի 10-ին Ադրբեջանի ԱԳՆ-ն հայտնել էր, որ ի պատասխան ուկրաինական կողմի դիմումի՝ «ստեղծված իրավիճակում տուժած տարածքներ էլեկտրաէներգիայի կայուն մատակարարումը վերականգնելու նպատակով ադրբեջանական կողմը մարդասիրական օգնություն է ուղարկել ուկրաինացի ժողովրդին՝ բաղկացած հիմնական էլեկտրական սարքավորումներից»։ Բեռը կազմված է 45 տրանսֆորմատորից ու 50 գեներատորից։
Էմմա Չոբանյան
