09.09.2026 | 16:01
Վահե Ղալումյանը՝ ԱԺ տարածքային կառավարման և շրջակա միջավայրի պահպանության հարցերի մշտական հանձնաժողովի փոխնախագահ
Իմ բողոքն ուղղված է ողջ միջազգային հանրությանը` այդ թվում ՌԴ-ին. Արտակ Բեգլարյան․ ՏԵՍԱՆՅՈՒԹ
Քաղաքականություն
15.12.2022 | 16:10
«Ես նպատակահարմար եմ գտնում, որ ամբողջ միջազգային հանրությանն ուղղված լինի մեր բողոքը, այստեղ ներառված է նաև Ռուսաստանը՝ իր հստակ պատասխանատվության բաժնով։
Մենք ակնկալում ենք, որ ռուս խաղաղապահները իրենց պատասխանատվության գոտում նաև այս հարցը պետք է լուծեն, իհարկե բավականին շատ հարցեր և խնդիրներ կան»,- այս մասին Factor.am-ի հետ զրույցում նշեց Արցախի Հանրապետության նախկին պետնախարար, Արցախի նախկին ՄԻՊ, Արցախի պետնախարարի խորհրդական Արտակ Բեգլարյանը, ով երեկվանից անժամկետ նստացույց էր հայտարարել։
«Մենք ակնկալում ենք, որ ՄԱԿ-ի Անվտանգության խորհուրդը և մյուս կառույցներն իրենց պարտականությունները կատարեն, այդ պատճառով ես ճիշտ եմ համարել, որ իմ նստացույցը ՄԱԿ-ի հայաստանյան գրասենյակի առջև պետք է իրականացնեմ»,- նշեց Բեգլարյանը։։
Նշենք, որ այսօր արցախահայերը ակցիաներ են իրականացնում՝ ԱՀ պետնախարարի խորհրդական Արտակ Բեգլարյանի և Արցախի ՄԻՊ Գեղամ Ստեփանյանի առաջնորդությամբ։
Նախատեսված է ակցիաներ իրականացնել ՀՀ-ում ԱՄՆ-ի,Չինաստանի, Ռուսաստանի Դաշնության, Ֆրանսիայի դեսպանատների, ԵՄ պատվիրակության հայաստանյան գրասենյակի առաջ՝ իրենց բողոքը հայտնելու Ադրբեջանի կողմից Լաչինի միջանցքը փակելու առնչությամբ։
Ակցիաների նպատակն է հասնել միջազգային հանրության կողմից Ադրբեջանի սադրանքների հասցեական դատապարտմանը, գործնական քայլերի՝ ուղղված Արցախի առաջ ծառացած հումանիտար ճգնաժամի հաղթահարմանը։
Մանրամասները՝ տեսանյութում։
