21.03.2026 | 20:02
ԱՄՆ-ի Հավայի նահանգում 5,5 հազար մարդ կտարհանվի ջրհեղեղի պատճառով
ԵՄ երկրները չեն կարողացել համաձայնության գալ հակառուսական պատժամիջոցների 9-րդ փաթեթի շուրջ
Քաղաքականություն
15.12.2022 | 19:13
ԵՄ երկրները չեն կարողացել համաձայնության գալ Ռուսաստանի դեմ պատժամիջոցների 9-րդ փաթեթի շուրջ։ Այս մասին հայտնում է Reuters-ը՝ վկայակոչելով իր դիվանագիտական աղբյուրները։
Նշվում է, որ Լեհաստանը և համայնքի մի շարք այլ անդամներ առարկություններ ունեն նոր սահմանափակումների վերաբերյալ:
Չորեքշաբթի ուշ երեկոյան տեղի ունեցած բանակցություններում ԵՄ երկրները չեն կարողացել համաձայնության հասնել պատժամիջոցների հարցում։ Երկրները մոտեցել են համաձայնությանը, սակայն որոշ երկրներ դեռևս առարկություններ ունեն, ասվում է հրապարակման մեջ։
Պատժամիջոցների նոր փաթեթի շուրջ ԵՄ անդամների համաձայնության բացակայությունը հաստատել է Եվրոպական խորհրդի ղեկավար Շառլ Միշելը։ Նա հայտարարել է, որ պատժամիջոցների նախագիծը վերադարձվել է միության երկրների դեսպաններին՝ վերանայելու համար։ Նրա խոսքով՝ փաստաթուղթը կարող է համաձայնեցվել մոտ ապագայում։
Ավելի վաղ հաղորդվել էր, որ ԵՄ պատժամիջոցների նոր փաթեթը կվերաբերի մինչև 200 անհատների, ընկերությունների և կազմակերպությունների, մասնավորապես՝ երեք բանկերի և ռազմարդյունաբերական համալիրի ձեռնարկությունների։ Սահմանափակումները կարող են ազդել Ռուսաստանի Դաշնության հանքարդյունաբերության ոլորտում ներդրումների վրա, ինչպես նաև կներառեն չորս հեռուստաալիքների հեռարձակման արգելք։
Տաթև Ֆռանգյան
