21.12.2025 | 22:02
Ֆուտզալի Հայաստանի հավաքականը հաղթեց Մոլդովային
Եռակողմ հայտարարությունն իրավահավասարորեն պետք է կատարվի բոլոր կողմերի կողմից․ Զախարովա
Քաղաքականություն
15.12.2022 | 16:38
ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Ռուսաստանի, Հայաստանի և Ադրբեջանի միջև ստորագրված եռակողմ հայտարարությունը երեք կողմերի կողմից էլ պետք է համարժեքորեն պահպանվի։ Զախարովան այսպես է պատասխանել լրագրողի հարցին այն մասին, թե տպավորություն է ստեղծվում, որ այդ համաձայնագիրը կնքված է միայն Հայաստանի համար, քանի որ Ադրբեջանը բազմիցս խախտել է դրա դրույթները, ինչպես, օրինակ, ռազմագերիների վերադարձը, նոր տարածքների գրավումը, Լաչինի միջանցքի արգելափակումը։
«Եռակողմ պայմանավորվածությունները հենց եռակողմ են անվանվում և ստորագրվել են երեք երկրների ղեկավարների կողմից, ինչը ենթադրում է, որ դրանք երեք ստորագրած կողմերի կողմից կատարման տեսանկյունից իրավահավասար են։ Այդ կողմերը ոչ միայն դարձել են ստորագրող, այլ նաև երեքով են մշակել այդ համաձայնագիրը։ Այսինքն՝ նրանք պայմանավորվել են, իսկ հետո դրանք ընկել են այդ փաստաթղթի հիմքում։ Կողմերի կողմից ստորագրված և կոլեկտիվ կերպով մշակված բոլոր փաստաթղթերը պետք է կատարվել բոլորի կողմից»,- հայտարարել է Զախարովան։
Նրա խոսքով՝ ոչ ոք չպետք է կասկածի տակ դնի այն հանգամանքը, որ այդ փաստաթուղթը պետք է համարժեք լինի բոլոր կողմերի համար. բոլորը պետք է կատարեն այն, ինչ ստորագրել են։
Տաթև Ֆռանգյան
