09.10.2026 | 10:15
Մարտի 1-ի գործով ոստիկանության զորքերի նախկին հրամանատար Գրիգոր Գրիգորյանի գործն ուղարկվել է դատարան
Էրդողանը հայտարարել է, որ Պուտինին առաջարկել է Ասադի հետ եռակողմ հանդիպում անցկացնել
Քաղաքականություն
15.12.2022 | 15:47
Թուրքիայի նախագահ Ռեջեփ Թայիփ Էրդողանը հայտարարել է, որ ՌԴ նախագահ Վլադիմիր Պուտինին առաջարկել է Թուրքիայի, Ռուսաստանի և Սիրիայի ղեկավարների հանդիպում անցկացնել, սակայն դրան պետք է նախորդի հետախուզական ծառայությունների, ՊՆ և ԱԳՆ ղեկավարների հանդիպումը, գրում է ՌԻԱ Նովոստին։
Էրդողանն ավելի վաղ չէր բացառել Սիրիայի առաջնորդ Բաշար Ասադի հետ հանդիպումը՝ ասելով, որ «քաղաքականության մեջ վիրավորանքներ չկան»։
Մերձավոր Արևելքի և Աֆրիկայի հարցերով ՌԴ նախագահի հատուկ ներկայացուցիչ, փոխարտգործնախարար Միխայիլ Բոգդանովն ավելի վաղ ՌԻԱ Նովոստիին ասել էր, որ Մոսկվան Անկարային ու Դամասկոսին միջնորդություն չի պարտադրում, բայց եթե Ռուսաստանին խնդրեն, նա պատրաստ է Էրդողանի ու Ասադի հանդիպումն անցկացնել։
«Շատ թեմաներ կան, որոնք կարող են հիմա օրակարգում չլինել, սակայն հետո մտցվեն օրակարգ իրադարձությունների զարգացման հետ կապված։ Եթե ուշադրություն դարձնեք, մենք ցանկանում ենք քայլ անել՝ որպես Սիրիա-Թուրքիա-Ռուսաստան եռակողմ դաշինքի մաս։ Դրա համար նախ պետք է հանդիպեն մեր հետախուզական ծառայությունները, հետո պաշտպանության և արտաքին գործերի նախարարները։ Նրանց հանդիպումներից հետո եկեք հավաքվենք՝ որպես առաջնորդներ։ Ես առաջարկել եմ դա պարոն Պուտինին, և նա դրան դրական է վերաբերվում։ Այդպիսով, մենք կսկսենք հանդիպումների շարք»,- ասել է Էրդողանը Թուրքմենստանից վերադառնալիս լրագրողների հետ զրույցում։
Էմմա Չոբանյան
