07.06.2026 | 09:45
Գիշերը տեղամասային հանձնաժողովի քարտուղար և նախագահներ են ձերբակալվել. ԿԸՀ նախագահ․ ՏԵՍԱՆՅՈՒԹ
Զախարովան մեկնաբանել է ԼՂ հակամարտության գոտում տեղակայված ռուս խաղաղապահների հասցեին հնչեցված մեղադրանքները․ ՏԵՍԱՆՅՈՒԹ
Քաղաքականություն
15.12.2022 | 13:46
ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է ԼՂ հակամարտության գոտում տեղակայված ռուս խաղաղապահների հասցեին հնչեցված մեղադրանքները։
«Մենք ստիպված ենք առանձին մեկնաբանել ռուս խաղաղապահների դեմ անհիմն մեղադրանքները և սադրիչ գործողությունները։ Որտեղից էլ դրանք լինեն, մենք դրանք համարում ենք անընդունելի և անարդյունավետ: Խաղաղապահ զորախումբն արդյունավետորեն կատարում է իր խնդիրները՝ հանդես գալով որպես տարածաշրջանում կայունության երաշխավոր»,- ասել է Զախարովան։
Հիշեցնենք, որ դեկտեմբերի 12-ին ժամը 10:30-ին ադրբեջանական կողմը հերթական անգամ փակել է Լեռնային Ղարաբաղը Հայաստանի հետ կապող միակ ճանապարհը՝ Լաչինի միջանցքը։ Ներկայանալով որպես, այսպես կոչված, «էկոակտիվիստներ», նրանք հրաժարվել են լքել տարածքը և վրաններ են տեղադրել այնտեղ։ Լաչինի միջանցքի արգելափակման պատճառով չորս գյուղ՝ Լիսագոր, Մեծ Շեն, Հին Շեն և Եղցահող, փաստացիորեն զրկված են Արցախի մնացած մասի հետ կապից։ Դեկտեմբերի 13-ի երեկոյան հայտնի դարձավ, որ դադարեցվել է նաև Լեռնային Ղարաբաղ գազամատակարարումը։
Տաթև Ֆռանգյան
