24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Անընդունելի է խաղաղ բնակչության կյանքի համար խնդիրների ստեղծումը․ ՌԴ ԱԳՆ-ն ակնկալում է մոտ ժամանակում Լաչինի միջանցքի բացում․ ՏԵՍԱՆՅՈՒԹ
Քաղաքականություն
15.12.2022 | 13:30
Անընդունելի է խաղաղ բնակչության կյանքի համար խնդիրների ստեղծումը, և ՌԴ-ն ակնկալում է շատ մոտ ժամանակում լիարժեք տրանսպորտային կապի վերականգնում։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Լաչինի միջանցքում տիրող իրավիճակը։
«Մենք անհանգստացած ենք Լաչինի միջանցքի արգելափակմամբ, դա պայմանավորված է հանքավայրերի շահագործման շուրջ կողմերի տարաձայնություններով։ Ռուսաստանի Պաշտպանության նախարարությունը և ռուսական խաղաղապահ զորախումբն այս օրերին ակտիվորեն աշխատում են իրավիճակն ապաէսկալացնելու ուղղությամբ։ Մենք ակնկալում ենք շատ մոտ ժամանակում լիարժեք տրանսպորտային կապի վերականգնում»,- ասել է Զախարովան։
Նա ընդգծել է, որ միջանցքը կապ է ապահովում Լեռնային Ղարաբաղի և Հայաստանի միջև ու գտնվում է խաղաղապահների հսկողության տակ։
«Ռուսաստանի, Հայաստանի և Ադրբեջանի ղեկավարների 2020 թվականի նոյեմբերի 9-ի հայտարարությունը ստորագրելիս կողմերը ստանձնել են համապատասխան պարտավորություններ, որոնք պետք է խստորեն պահպանվեն։ Անընդունելի է խաղաղ բնակչության կյանքի համար խնդիրներ ստեղծելը»,- ասել է Զախարովան։
Տաթև Ֆռանգյան
