09.09.2026 | 20:00
ԵՏՄ-ից դուրս գալը և ԵՄ մտնելը ՀՀ-ին գին կարժենա․ Արևմուտքը պատրաստ է վճարել այդ գինը․ Անդրիաս Ղուկասյան․ ՏԵՍԱՆՅՈՒԹ
Այս բլոկադան պատահական չէ՝ ցեղասպանության վաղ ազդանշան է․ Քրիստիննե Գրիգորյան․ ՏԵՍԱՆՅՈՒԹ
Հասարակություն
15.12.2022 | 12:54
Արդեն ավելի քան 3 օր է շարունակվում է այս բլոկադան, և՛ Հայաստանի կողմից, և՛ Արցախի կողմից սահմանափակված է անձանց ազատ տեղաշարժի իրավունքը, առաջացել են հումանիտար խնդիրներ, հաշմանդամություն ունեցող անձինք հայտնվել են առանձնահատուկ դժվարին իրավիճակում, այսինքն՝ անձանց հիմնարար իրավունքների ու ազատությունների ամբողջական սպեկտորը վտանգված է։ Այս մասին այսօր Կառավարության նիստից հետո լրագրողների հետ զրույցում նշեց ՀՀ Մարդու իրավունքների պաշտպան Քրիստիննե Գրիգորյանը՝ անդրադառնալով Լաչինի միջանցքի փակման հետևանքով առաջացած հուանիտար և գոյաբանական խնդիրներին։
ՀՀ ՄԻՊ-ը հավելեց, որ ժամեր հետո կհրապարակվի Արցախի ՄԻՊ-ի հետ համատեղ կազմված զեկույցը, որտեղ կներկայացվի իրավիճակը, կվերլուծվեն և միջազգային իրավական պարտավորությունների լույսի ներքո կներկայացվեն Ադրբեջանի կողմից իրականացվող և շարունակվող խախտումները։
«Փաստեր պետք է ներկայացնենք միջազգային մարդու իրավունքների պաշտպանության մանդատ ունեցող կազմակերպություններին, նաև պետությունների կառավարություններին՝ ուշադրություն հրավիրելով հարցի վրա։
Այս բլոկադան պատահական չէ․ սա հաջորդական քաղաքականություն է, որի նպատակը Արցախի հայաթափումն է, Արցախի ժողովրդի բնաջնջումն է։ Սա, ըստ էության, ցեղասպանության վաղ ազդանշան է»,- ընդգծեց Գրիգորյանը։
Մանրամասները՝ տեսանյութում։
