30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Սպիտակ ֆոսֆորի հետևանքով այրվել է 1815 հա անտառ. Օլեգ Դուրգարյան․ ՏԵՍԱՆՅՈՒԹ
15.12.2022 | 12:44
Հետազոտությունները ցույց են տվել, որ 2020 թվականին Ադրբեջանի կողմից Արցախի Հանրապետության դեմ սանձազերծված 44-օրյա պատերազմում կիրառվել են այնպիսի զինամթերքներ, որոնք պարունակում են սպիտակ ֆոսֆոր, քիմիական տարրեր։ «Ադրբեջանի բնապահպանական հանցագործությունները. ներկայացնում են բնապահպանները» թեմայով քննարկման ժամանակ այս մասին նշեց «Համայնքային համախմբման և աջակցության կենտրոն» ՀԿ նախագահ Օլեգ Դուրգարյանը։
Նրա խոսքով՝ 2020թ․ հոկտեմբերի 27-ից մինչև նոյեմբերի 2-ը այրվել է մոտավորապես 1815 հա անտառ։
«Հատկանշական է, որ այնպիսի անտառներ են խոցվել, որոնք մոտ են գտնվել բնակավայրերին և տարբեր ենթակառուցվածքների։
Արցախի այդ տարածքները կենդանական բազմազանությամբ ուրույն տեղ էին զբաղեցնում էկոլոգիական աշխարհում։ Հաշվարկ չի կատարվել, թե կենդանական աշխարհն ինչ վնասներ է կրել։
Ֆոսֆորի կիրառման հետևանքով այս վնասները տարածաշրջանային աղետի կարող են հանգեցնել։ Մինչդեռ միջազգային հանրությունից այդ առնչությամբ արձագանք չեղավ»,- նշեց դուրգարյանը։
Մանրամասները՝ տեսանյութում։
