30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
ՄԱԿ-ի գլխավոր քարտուղարը մտահոգություն է հայտնել Լաչինի միջանցքի շուրջ ստեղծված իրավիճակի կապակցությամբ
Քաղաքականություն
15.12.2022 | 11:11
ՄԱԿ-ի գլխավոր քարտուղար Անտոնիո Գուտերեշը մտահոգություն է հայտնել Լաչինի միջանցքի շուրջ ստեղծված իրավիճակի կապակցությամբ, կողմերին կոչ է արել ապահովել ազատ տեղաշարժը։ Այս մասին ասվում է չորեքշաբթի օրը տարածված հայտարարության մեջ։
«Գլխավոր քարտուղարը մտահոգությամբ է հետևում Լաչինի միջանցքի շուրջ իրավիճակի զարգացմանը»,- ասվում է փաստաթղթում։ Նշվում է, որ Գուտերեշը «կոչ է անում կողմերին թուլացնել լարվածությունը և ապահովել միջանցքի երկայնքով տեղաշարժի ազատությունն ու անվտանգությունը՝ համաձայն ավելի վաղ ձեռք բերված պայմանավորվածությունների»։
«Գլխավոր քարտուղարը վերահաստատում է իր աջակցությունը տարածաշրջանի կարգավորմանն ուղղված շարունակական ջանքերին»,- ասված է հայտարարության մեջ։
Հիշեցնենք, որ մի խումբ ադրբեջանցի այսպես կոչված «էկոակտիվիստներ» փակել են Լաչինի միջանցքը, ինչի հետևանքով Արցախը հայտնվել է շրջափակման մեջ։ Բացի այդ Ադրբեջանը փակել է նաև Արցախի գազամատակարարումը։
Տաթև Ֆռանգյան
