19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
ԱՄՆ Կոնգրեսի հայկական հարցերով հանձնախումբը դատապարտում է Լաչինի միջանցքի փակումը
Քաղաքականություն
14.12.2022 | 20:43
Կոնգրեսի հայկական հարցերով հանձնախմբի համանախագահներ Ադամ Շիֆը Ֆրենք Փալոնը, Գաս Վալադաոն հրապարակել են հայտարարություն` Արցախի ժողովրդին Հայաստանին կապող միակ ճանապարհը ադրբեջանցիների կողմից փակելու կապակցությամբ, գրում է «Ամերիկայի ձայն»-ը։
«Մենք դատապարտում ենք Ադրբեջանի ագրեսիվ գործողությունները Լեռնային Ղարաբաղում։ Նրանց կողմից Լաչինի միջանցքի շրջափակումը կարծես թե համակարգված է և նպատակ ունի փակել Արցախի սննդի, բժշկական պարագաների, տրանսպորտի և առաջին անհրաժեշտության այլ ապրանքների մատակարարման միակ ուղին, ինչպես նաեւ արգելել Արցախի ժողովրդի ազատ տեղաշարժը։ Ադրբեջանը նաև փակել է բնական գազի հիմնական աղբյուրներից մեկը այդ տարածքում գտնվող խաղաղ բնակիչների համար՝ տասնյակ հազարավոր անձանց թողնելով առանց ջեռուցման»,-ասված է հայտարության մեջ:
«Ադրբեջանի կողմից այս կենսական նշանակության գծերի փակումը կամ նույնիսկ դադարեցնելու սպառնալիքը կրկին վնասում է ենթակառուցվածքները և հումանիտար ճգնաժամ ստեղծում Լեռնային Ղարաբաղում ապրող հայերի համար: Սա հետևում է հայ ժողովրդի նկատմամբ չարաշահումների լավ փաստագրված օրինաչափությանը, որը դրդված է հայերին ապամարդկայնացնելու Ալիևի վարչակարգի հռետորաբանությամբ:
Կոչ ենք անում Միացյալ Նահանգներին և մեր եվրոպացի գործընկերներին օգտագործել իրենց ձեռքի տակ եղած դիվանագիտական բոլոր գործիքները՝ Ադրբեջանի կողմից ստեղծված այս հստակ շինծու ճգնաժամը կասեցնելու համար, Ալիևին վերադարձնել բանակցությունների սեղանի շուրջ ԵԱՀԿ-ի Մինսկի խմբի և այլ բազմակողմ խաղաղ գործընթացների միջոցով, և ապահովել, որ Արցախի ժողովուրդն ընդգրկված լինի այս գործընթացներում»:
