29.04.2026 | 17:01
ՄԱԿ-ը հայտնում է, որ Իրանում պատերազմի սկզբից ի վեր մահապատժի է ենթարկվել առնվազն 21 մարդ, ձերբակալվել՝ 4000-ը
Արցախում դադարեցրել են վիրահատությունները․ ԱԳՆ-ում դեսպաններին ներկայացրել են իրավիճակը․ Լուրեր
14.12.2022 | 18:49
- Ադրբեջանի կողմից Արցախը Հայաստանի հետ կապող ճանապարհի և գազամատակարարման արգելափակման հետևանքով այս պահի դրությամբ Արցախի առողջապահության նախարարության ենթակայության տակ գործող բուժհաստատություններում ժամանակավորապես դադարեցվել են պլանային վիրահատությունները։
- Դեկտեմբերի 14-ին ՀՀ արտաքին գործերի նախարարությունում տեղի է ունեցել ՀՀ ԱԳ նախարարի պարտականությունները կատարող Մնացական Սաֆարյանի և ՀՀ ԱԳ նախարարի տեղակալ Վահե Գևորգյանի հանդիպումը Հայաստանում հավատարմագրված դիվանագիտական ներկայացուցչությունների ղեկավարների և միջազգային կառույցների ներկայացուցիչների հետ։ օտարերկրյա դիվանագետներին է ներկայացվել դեկտեմբերի 12-ից Ադրբեջանի կողմից Լեռնային Ղարաբաղը Հայաստանին կապող միակ ճանապարհի` Լաչինի միջանցքի, փակման հետևանքով ստեղծված հումանիտար իրավիճակը:
- Հանրապետության հրապարակում՝ կառավարության շենքի դիմաց, այսօր կազմակերպվել է բողոքի ակցիա՝ ընդդեմ Արցախի շրջափակման։ Ցույցի ժամանակ ելույթ են ունեցել նաև Պատիվ ունեմ խմբակցության ներկայացուցիչներ։ Ցույցին ներկա է եղել նաև երրորդ նախագահ Սերժ Սարգսյանը։
Այս ժամի լուրերը՝ տեսանյութում։
