09.09.2026 | 20:35
ԶՈՒ ԳՇ պետը մի շարք հանդիպումներ է ունեցել Լեհաստանի ռազմարդյունաբերական ոլորտի ներկայացուցիչների հետ
ՀՀ-ն պիտի պահանջի միջազգային խաղաղապահների տեղակայում ԼՂ-ում․ ԱՄՆ-ն և ԵՄ-ն պիտի համոզեն Բաքվին՝ ընդունել սա․ Սոսի Թաթիկյան․ ՏԵՍԱՆՅՈՒԹ
Քաղաքականություն
14.12.2022 | 19:02
Հայաստանը պետք է դիմի ՄԱԿ-ի ԱԽ-ին՝ Արցախում միջազգային խաղաղապահներ տեղակայելու պահանջով, և այդ զորակազմի մի մասնիկը կարող է լինել ռուսական զորախումբը։ Factor TV-ին տված հարցազրույցում Արցախում ստեղծված իրավիճակին նման լուծում է առաջարկում միջազգային հարաբերությունների և անվտանգության հարցերի մասնագետ Սոսի Թաթիկյանը։
«Ես կարծում եմ, որ ՄԱԿ-ի խաղաղապահ առաքելությունն ամենաօպտիմալը կարող է լինել։ Այնտեղ պրոցեսը գնում է, որ կոնֆլիկտի երկու կողմը սովորաբար պետք է համաձայնություն տան, թե որ ազգերը կարող են մասնակցել այդ խաղաղապահ առաքելությանը։ ՀՀ-ն պետք է թույլ չտա, որ Թուրքիայի և Պակիստանի ուժերը լինեն կոնտինգենտում։ Սակայն այս հարցերն իրականում երկրորդական են, քանի որ առաջին հարցն այն է, թե ինչպես հասնել այն բանին, որ որևէ կազմակերպություն, լինի՝ ՄԱԿ-ը, ԵՄ-ն, թե ԵԱՀԿ-ն․․․ ճիշտն ասած՝ այս իրավիճակում անգամ դա կապ չունի, թե ով, կարևորը՝ լինի միջազգային խաղաղապահ առաքելություն։ Իսկ դրա համար պետք է կոտրել Ադրբեջանի շատ ուժեղ դիմադրությունը»,- նշեց փորձագետը։
ԼՂ-ում միջազգային կոնտինգենտ տեղակայելու հարցում Ադրբեջանի առկա դիմադրությունը կոտրելու ազդեցության լծակներ, ըստ Սոսի Թաթիկյանի, ունեն ԱՄՆ-ը և ԵՄ-ն։ Դրանք գործի դնելու պահանջը պետք է բխի Երևանից։
Հարցազրույցն ամբողջությամբ՝ տեսանյութում։
Ռոբերտ Անանյան
