27.06.2026 | 19:38
Ռաիսա Մկրտչյանը նշանակալի ներդրում է ունեցել նոր սերնդի կրթության և դաստիարակության գործում․ Փաշինյան
Հանդիպել ենք ԱԳՆ ղեկավար կազմի հետ. Արտակ Բեգլարյան․ ՏԵՍԱՆՅՈՒԹ
Քաղաքականություն
14.12.2022 | 15:51
«Ես և իմ գործընկերները՝ Արցախի ՄԻՊ-ը և արտգործնախախարը, քանի որ բախտի բերմամբ, պատահմամբ մնացել ենք Երևանում, այսօր հանդիպել ենք ՀՀ ԱԳՆ ղեկավար կազմի հետ։ Քննարկել ենք առկա հարցերը, իրենք ներկայացրել են որոշակի գործողություններ, մենք մեր ակնկալիքները, խորհոուրդներն ու առաջարկներն ենք ներկայացրել, որպեսզի աշխատանքներ իրականացվեն միաջզագային գործընկերների հետ, և շատ արագ լուծվի այս հարցը»,- այս մասին այսօր հրավիրված ասուլիսում նշեց Արցախի նախկին ՄԻՊ, Արցախի պետնախարարի խորհրդական Արտակ Բեգլարյանը՝ անդրադառնալով Լաչինի միջանցքի փակման հետևանքով առաջացած խնդիրներին։
«Արցախի ու Հայաստանի իշխանությունների նպատակը չպետք է լինի միայն շրջափակման վերացումը, քանի որ դրանից հետո, միևնույնն է, Ադրբեջանը մոտ 1-2 շաբաթից նույնն է անելու։
Մենք պետք է հասնենք նրան, որ շրջափակումը վերացվելուն զուգահեռ նաև գործուն երաշխիքներ ստանանք, որ նմանատիպ դեպքեր չեն կրկնվի։ Դրա համար Ադրբեջանը պետք է բարձր գին վճարի` կլինեն դրանք սանկցիանե՞ր, թե՞ ռազմական, քաղաքական կամ իրավական գործիքակազմեր, բայց միանշանակ դրանք պետք է կիրառվեն։ Եթե չարվի, Ադրբեջանն անընդհատ շարունակելու է խախտել մեր կարմիր գծերը»,– նշեց Բեգլարյանը։
Ավելի վաղ տեղեկացրել էինք, որ արցախցի պաշտոնյան Երևանում ՄԱԿ-ի գրասենյակի առջև անժամկետ նստացույց է հայտարարել Ադրբեջանի կողմից Լաչինի միջանցքը փակելու պատճառով։
Մանրամասները՝ տեսանյութում։
