09.10.2026 | 21:43
Ադրբեջանի դպրոցներում հիջաբ կրելու արգելք է սահմանվել նաև ուսուցիչների համար
Ամանորյա հրադադարի թեմա օրակարգում չկա․ Պեսկով
Քաղաքականություն
14.12.2022 | 16:18
Կիևից ամանորյա զինադադարի վերաբերյալ առաջարկներ չեն ստացվել։ Այս մասին հայտնել է ՌԴ նախագահի մամուլի քարտուղար Դմիտրի Պեսկովը, գրում է ՌԻԱ Նովոստին։
«Նման թեմա օրակարգում չկա»,- ընդգծել է Կրեմլի խոսնակը։
Պեսկովը նախօրեին նշել էր, որ մինչև տարեվերջ Ուկրաինայի «հատուկ գործողության» գոտուց ռուսական զորքերի դուրսբերման մասին խոսք լինել չի կարող։
Հիշեցնենք, որ Ուկրաինայի նախագահ Վլադիմիր Զելենսկին կոչ էր արել Ռուսաստանին՝ մինչև Սուրբ Ծնունդ սկսել զորքերը դուրս բերել Ուկրաինայից։
«Մենք Ռուսաստանին առաջարկում ենք կոնկրետ, բովանդակալից քայլ կատարել դիվանագիտական կարգավորման ուղղությամբ, ինչի մասին այնքան հաճախ են խոսում Մոսկվայում։ Առջևում միլիարդավոր մարդկանց կողմից նշվող տոներն են՝ Սուրբ Ծնունդ՝ Գրիգորյան օրացույցով, Նոր տարի, Սուրբ Ծնունդ՝ Հուլյան օրացույցով։ Սա այն ժամանակն է, երբ նորմալ մարդիկ մտածում են խաղաղության, այլ ոչ թե ագրեսիայի մասին։ Ես առաջարկում եմ, որ Ռուսաստանը գոնե փորձի ապացուցել, որ ունակ է հրաժարվել ագրեսիայից։ Ճիշտ կլինի այս Սուրբ Ծնունդին սկսել ռուսական զորքերի դուրսբերումը Ուկրաինայի միջազգայնորեն ճանաչված տարածքից»,- ասել էր Զելենսկին։
Տաթև Ֆռանգյան
