13.12.2024 | 22:44
Դեկտեմբերի 16-ին Հայաստանի մի շարք հասցեներում էլեկտրաէներգիայի անջատումներ կլինեն
Միխեիլ Սաակաշվիլին հացադուլ է հայտարարել
Քաղաքականություն
14.12.2022 | 17:40
Վրաստանի նախկին նախագահ Միխեիլ Սաակաշվիլին, ի նշան բողոքի, հացադուլ է հայտարարել այն բանից հետո, երբ Արդարադատության նախարարության քրեակատարողական ծառայությունը թույլ չի տվել նրան հեռակա կարգով մասնակցել դատավարությանը։ Լրագրողներին այս մասին հայտնել է փաստաբան Շալվա Խաչապուրիձեն, գրում է civil.ge-ն։
«Այն, ինչ տեղի ունեցավ այսօր Թբիլիսիի քաղաքային դատարանում, որ նրան հեռակա կարգով չմիացրեցին, նույնիսկ Ստալինը դա չի արել: Ի նշան բողոքի՝ Սաակաշվիլին հացադուլ է հայտարարել»,- ասել է Խաչապուրիձեն։
«Այսօր ինձ զրկեցին սեփական դատավարությանը մասնակցելու տարրական իրավունքից, սա վրացական և միջազգային իրավունքի բոլոր նորմերի խախտում է, ուստի ստիպված եմ գնալ բողոքի ծայրահեղ ձևի՝ հացադուլի։ Իհարկե, ես տեղյակ եմ բոլոր ռիսկերին՝ հաշվի առնելով իմ ներկայիս առողջական վիճակը, բայց ես սոված կմնամ այնքան ժամանակ, մինչև չստանամ իմ դատավարությանը մասնակցելու հաստատուն երաշխիքներ, թեկուզ տեսակամուրջի միջոցով։ Ամեն ծաղր ու նվաստացում իր սահմաններն ունի»,- ասված է Սաակաշվիլիի նամակում։
Տաթև Ֆռանգյան
