20.04.2026 | 19:38
ՀՀ դեսպանն իր հավատարմագրերն է հանձնել Էրիթրեայի նախագահին
Իլոն Մասկը կորցրել է Forbes-ի միլիարդատերերի ցուցակում առաջին տեղը
Քաղաքականություն
14.12.2022 | 23:06
Ամերիկացի գործարար Իլոն Մասկը կորցրել է առաջին տեղը Real Time Billionaires վարկանիշում։ Նրան շրջանցել է Louis Vuitton Moet Hennessy-ի ֆրանսիացի նախագահ Բեռնար Առնոն, հայտնում է Forbes-ը։
Ըստ ամսագրի՝ Tesla-ի և SpaceX-ի հիմնադրի կարողությունը գնահատվում է 176,8 միլիարդ դոլար, իսկ LVMH-ի ղեկավարինը՝ 188,6 միլիարդ դոլար։
Անցած օրվա ընթացքում Մասկը կորցրել է 4,5 մլրդ դոլար կամ իր կապիտալի 2,49%-ը, մինչդեռ Առնոն, հակառակը, իր կարողությունն ավելացրել է 2,7 մլրդ դոլարով (+1,44%)։
Նախօրեին Ուկրաինայի նախագահի աշխատակազմը նախատել էր Մասկին Twitter-ի գրաքննության համար։ Խոսքը վերաբերում է սոցցանցի թրենդերից «Ուկրաինայի պատերազմի» անհետացումը։ Բացի այդ, ուկրաինացիները սկսել են բողոքել, որ չեն կարող մուտք գործել Twitter՝ օգտագործելով իրենց բջջային հեռախոսահամարը:
Տաթև Ֆռանգյան
