30.10.2026 | 09:35
Հայաստանի գավաթում հայտնի են քառորդ եզրափակիչի բոլոր մասնակիցները
ԱՄՆ-ը պատրաստվում է Ուկրաինային Patriot ՀՕՊ համակարգեր փոխանցել
Քաղաքականություն
14.12.2022 | 14:19
ԱՄՆ վարչակազմը կարող է հայտարարել մինչև այս շաբաթվա վերջ Ուկրաինային Patriot համակարգեր փոխանցելու մասին։ Վաշինգտոնում ավարտում են համապատասխան պլանավորումները։ Այս մասին հայտնել է CNN-ը՝ վկայակոչելով երկու պաշտոնյաների ու վարչակազմի բարձրաստիճան ներկայացուցիչների, փոխանցում է DW-ի ռուսական ծառայությունը։
Պենտագոնի ծրագիրը պետք է գերատեսչության ղեկավար Լլոյդ Օսթինի հավանությանն արժանանա, հետո այն ուղարկվելու է նախագահ Ջո Բայդենի ստորագրմանը։ Սպասվում է, որ փաստաթուղթը կհաղթահարի այդ ընթացքը։
ՀՕՊ համակարգերն Ուկրաինային փոխանցելու շուրջ համաձայնություն ձեռք բերելուց հետո համալիրները կմատակարարվեն մի քանի օրվա ընթացքում, իսկ ուկրաինացի զինվորականները կպատրաստվեն դրանք օգտագործելու համար գերմանական Գրաֆենվյորում գտնվող ամերիկյան ռազմաբազայում։
Ուկրաինան ամիսներ շարունակ խնդրում էր այս համակարգերը տրամադրել՝ ի թիվս այլ զինատեսակների, սակայն Վաշինգտոնը նման որոշում չէր կայացնում։
Նախագահ Բայդենի վարչակազմի բարձրաստիճան ներկայացուցիչն ասել է, որ Վաշինգտոնը դա պատրաստվում է անել, չնայած լոգիստիկ մեծ խնդիրներին՝ կապված համալիրների մատակարարման ու շահագործման հետ։
Էմմա Չոբանյան
