07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Ադրբեջանը Լաչինի միջանցքում զինծառայողներ և ոստիկանության ուժեր է տեղակայել. ԼՈՒՍԱՆԿԱՐՆԵՐ
Քաղաքականություն
13.12.2022 | 18:55
Ադրբեջանի իշխանություններն արդեն երկրորդ օրն է՝ շարունակում են Լաչինի միջանցքը փակ պահել՝ հումանիտար աղետի առաջ կանգնեցնելով Արցախի բնակչությանը։ Ադրբեջանական քարոզչական լրատվականները նշում են, որ Բաքուն Ադրբեջանի ՆԳՆ ներքին զորքերի զինծառայողներից զատ՝ տեղում տեղակայել է նաև ոստիկանների։
Հավելեք, որ Բաքվից էլ պարբերաբար ակտիվիստների անվան տակ իշխանությունները նոր խմբեր են բերում՝ Լաչինի միջանցքը փակ պահելու համար։
Հիշեցնենք, որ ավելի վաղ Ադրբեջանի իշխանությունների կողմից գործուղված բնապահպանները դեկտեմբերի 7-ին բանակցություններ էին անցկացրել Վոլկովի հետ Արցախի հանքերի մոնիթորիգի հարցով ու համաձայնության հասել ադրբեջանական կողմի հետ։ Այդպես էլ պարզ չդարձավ՝ ի՞նչ իրավասությամբ է Վոլկովը քննարկում Արցախի տնտեսությանն ու հանքարդյունաբերությանը վերաբերող հարցեր, որոնք իր իրավասությունների տիրույթից դուրս են։ Իսկ ահա Լաչինի միջանցքի անվտանգության ապահովումը, որը 2020թ․ նոյեմբերի 9-ի եռակողմ հայտարարությամբ ռուս խաղաղապահների պարտականությունն է, այդքան էլ լավ չի ստացվում։ Վոլկովի հետ պայմանավորվածություն ձեռք բերելուց հետո մի խումբ ադրբեջանցիներ, իբր, մոնիթորինգի համար հասել էին Կաշենի հանքավայր, սակայն տեղի բնակիչներն ու աշխատակիցները նրանց ներս չէին թողել։
Դեկտեմբերի 3-ին նույնպես Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ, իբր, բնապահպանական պատճառաբանությամբ կրկին փակել էին Ստեփանակերտ-Գորիս մայրուղին։
Էմմա Չոբանյան
