18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Վլադիմիր Պուտինի և Սի Ցզինպինի միջև նոր բանակցություններ են նախապատրաստվում. Պեսկով
Քաղաքականություն
13.12.2022 | 18:45
ՌԴ նախագահի մամուլի քարտուղար Դմիտրի Պեսկովը հայտարարել է ՌԴ նախագահ Վլադիմիր Պուտինի և Չինաստանի նախագահ Սի Ցզինպինի միջև նոր երկխոսության նախապատրաստման մասին, գրում է EADaily-ն։
«Մեր ղեկավարները մշտական շփման մեջ են։ Մենք փաստացի պատրաստվում ենք շարունակել այդ շփումները։ Երբ և ինչպես դրանք տեղի կունենան, մենք ձեզ ժամանակին կտեղեկացնենք»,- ասել է նա՝ պատասխանելով հարցին, թե ե՞րբ կարող են լինել առաջնորդների հաջորդ բանակցությունները։
Պուտինի և Սի Ցզինպինի միջև տարբեր ձևաչափերով շփումների մշտական պահպանման մասին ավելի վաղ հաղորդվել էր նաև Պեկինում։
«Վեդոմոստի»-ն, վկայակոչելով իր դիվանագիտական աղբյուրին, հայտնում է, որ Ամանորից առաջ Ռուսաստանի և Չինաստանի նախագահները բանակցություններ կվարեն, որով կամփոփեն 2022 թվականի արդյունքները։ Պարբերականի տվյալներով՝ շփումը, հավանաբար, տեղի կունենա տեսակապի միջոցով։
Տաթև Ֆռանգյան
