Քաղաքականություն
12.12.2022 | 19:11
Ադրբեջանի ԱԳ նախարար Ջեյհուն Բայրամովն այսօր Բրյուսելում Արևելյան գործընկերության ԱԳ նախարարների նիստի ժամանակ հայտարարել է, որ առաջիկայում սպասվում է Հայաստանի հետ բանակցությունների նոր փուլ, գրում են ադրբեջանական լրատվամիջոցները։
Նա ընդգծել է ԵՄ խորհրդի նախագահ Շառլ Միշելի դերը Ադրբեջանի և Հայաստանի միջև հարաբերությունների կարգավորման գործում։
«Այս առումով Բրյուսելում կայացած եռակողմ հանդիպումներն արդյունավետ էին, Ադրբեջանը շարունակում է աջակցել այս ձևաչափին և պատրաստ է համատեղ գործունեության այդ ուղղությամբ»,- ասել է նա։
Բայրամովը նշել է, որ օգոստոսի 31-ին Բրյուսելում կայացած հանդիպմանը խաղաղ համաձայնագրի տեքստի շուրջ երկկողմ բանակցություններ են սկսվել։ Նոյեմբերի 7-ին Վաշինգտոնում Հայաստանի արտգործնախարարի հետ հանդիպումից հետո Բաքուն նոր առաջարկներ է ներկայացրել, և առաջիկա շաբաթներին սպասվում է բանակցությունների հաջորդ փուլը։
Ի դեպ, Ադրբեջանի ԱԳ նախարարը Հայաստանի առաջարկներին Բաքվի պատասխանից ոչինչ չի հայտնել։
Բայրամովը նաև նշել է, որ չնայած «երկկողմ բանակցություններին դինամիկային՝ առաջընթացը սահմանափակ է», քանի որ, իբր, Հայաստանը շարունակել է դրանց իմիտացիայով զբաղվել։
Էմմա Չոբանյան
