25.11.2024 | 16:50
Ճամբարակում, Սպիտակի ոլորաններում ձյուն է տեղում
Պուտինը 10 տարվա մեջ առաջին անգամ չեղարկել է մեծ մամուլի ասուլիսը
Քաղաքականություն
12.12.2022 | 19:42
ՌԴ նախագահ Վլադիմիր Պուտինը չի հրավիրի ավանդական դեկտեմբերյան մեծ մամուլի ասուլիսը։
«Ինչ վերաբերում է մեծ մամուլի ասուլիսին, այն չի լինի մինչև նոր տարի»,- լրագրողներին հայտնել է Կրեմլի խոսնակ Դմիտրի Պեսկովը, գրում է DW-ի ռուսական ծառայությունը։
Միաժամանակ, նա խոստացել է, որ Պուտինը չի խուսափի մամուլի հետ շփումից։
«Միևնույն ժամանակ, մենք հուսով ենք, որ նախագահը դեռ հնարավորություն կգտնի զրուցել լրագրողների հետ, նա դա անում է պարբերաբար, այդ թվում՝ արտասահմանյան ուղևորությունների ժամանակ»,- ասել է Պեսկովը։
Հարցին՝ արդյո՞ք Պուտինը մինչև տարեվերջ հանդես կգա Դաշնային խորհրդին ուղերձով, Կրեմլի խոսնակը պատասխանել է, որ դա «պարզաբանման կարիք ունի»:
2001 թվականից ՌԴ նախագահը մեծ ասուլիսներ է հրավիրում, 2012 թվականից այս միջոցառումներն անցկացվում են դեկտեմբերին։ Պուտինի տարեկան մամուլի ասուլիսը միայն մեկ անգամ է չեղարկվել՝ 2005 թվականին։ Բացի այդ, դրանք տեղի չեն ունեցել 2009-2011 թվականներին՝ կառավարությունում Պուտինի ղեկավարման օրոք։
Ավելի վաղ RBC գործակալությունը հայտնել էր, որ ասուլիսի անցկացման կամ չեղարկման մասին որոշումը կկայացվի՝ հաշվի առնելով Ուկրաինայի դեմ պատերազմում ստեղծված իրավիճակը։
Տաթև Ֆռանգյան
