Տեղի է ունեցել փոխհամաձայնեցված գործողություն. Քոչարյանը «բնապահպանների»՝ Արցախում գտնվելու մասին․ ՏԵՍԱՆՅՈՒԹ

Լուրեր

20.11.2026 | 21:50
Ադրբեջանի ընդդիմության ղեկավարի կալանքի թեման ուշադրության կենտրոնում է եղել Գերմանիայի ԱԳ նախարարի՝ Բաքու կատարած այցի ժամանակ
20.11.2026 | 21:36
Հայաստանն ընդունել է Գազայից երեք պաղեստինցի երեխայի. նրանց մասնագիտացված բուժօգնություն կցուցաբերվի
20.11.2026 | 21:23
Թվային լուծումներ՝ մեկ էկոհամակարգում․ IDBank-ը՝ DigiTec 2026-ում
20.11.2026 | 21:11
Թրամփը հայտարարել է, որ Պուտինը Լեհաստանի ուղղությամբ «սխալմամբ մի քանի փոքր հրթիռ է արձակել»
20.11.2026 | 21:00
Տրագիկոմեդիա է․ ընդդիմությունը չի ուզում ազատվել վարչապետ Փաշինյանից, թեև մեղադրում է ադրբեջանական լինելու մեջ․ Արսեն Թորոսյան. ՏԵՍԱՆՅՈՒԹ
20.11.2026 | 20:50
Կառլեն Հովհաննիսյանը՝ «Ակրոնի» լավագույն ֆուտբոլիստ
20.11.2026 | 20:45
Euro 4-ը, խցանումներն ու Ավինյանը․ ո՞ր մեքենաները կարող են հայտնվել սահմանափակման տակ. ՏԵՍԱՆՅՈՒԹ
20.11.2026 | 20:37
ԵՄ-ն ու Մեծ Բրիտանիան Brexit-ից հետո կապերն ամրապնդելու համար «նշանակալի համաձայնագիր» են կնքել
20.11.2026 | 20:25
Գյումրիում ԵԱՏՄ երկրների մաքսային ծառայությունները 21 որոշում են ընդունել․ Հակոբյանը վերանշանակվել է կոլեգիայի փոխնախագահ
20.11.2026 | 20:13
Հունգարիան հանել է վետոն ԵՄ-ին Ուկրաինայի անդամակցության համար 4-րդ և 5-րդ կլաստերները բացելու հետ կապված
20.11.2026 | 20:00
Ադրբեջանը կստորագրի Խաղաղության համաձայնագիրը, եթե ԹՐԻՓՓ-ի իրագործումը տեսանելի դառնա․ Սահմանադրությունը պատրվակ է․ Արմեն Պետրոսյան․ ՏԵՍԱՆՅՈՒԹ
20.11.2026 | 19:51
Չհամարձակվե՛ք մեզ ասել, որ մենք դեմ ենք խաղաղության գործընթացին․ Արամ Վարդևանյան. ՏԵՍԱՆՅՈՒԹ
20.11.2026 | 19:40
ՌԴ-ն մանրամասներ է հայտնել Ղրիմի կամրջի վնասների մասին
20.11.2026 | 19:30
ՀԱՊԿ-ը կարող է հեռացնել ՀՀ-ին՝ առանց նրա համաձայնության․ ինչո՞ւ չի անում և ի՞նչ է նախատեսում կանոնադրությունը 
20.11.2026 | 19:21
ՀՀ-ում հասարակական կազմակերպությունները թափանցիկ են աշխատում․ Թագուհի Ղազարյան. ՏԵՍԱՆՅՈՒԹ
Բոլորը

Այս պահին Արցախում տիրող իրավիճակն Ադրբեջանի կողմից պլանավորված սադրանքների հետեւանք է: Իսկ թե ինչպես պետք է չեզոքացվի, հրադադարը պահպանող հիմնական ուժային բլոկը պետք է հետեւություններ անի, կանխատեսի, գուցե նաեւ ադրբեջանական կողմին հեռու պահի նման մտադրություններից: Այս մասին դեկտեմբերի 12-ի խորհրդարանական ճեպազրույցների ընթացքում ասել է ՀՀ ԱԺ «Քաղաքացիական պայմանագիր» խմբակցության պատգամավոր, Պաշտպանության եւ անվտանգության հարցերի մշտական հանձնաժողովի նախագահ Անդրանիկ Քոչարյանը` պատասխանելով լրագրողի` այս պահին Արցախում տիրող լարված իրավիճակի, մասնավորապես, Շուշիի հատվածում ճանապարհը փակելու եւ ադրբեջանցիների կողմից վրան տեղադրելու վերաբերյալ հարցին․ տեղեկացնում են ՀՀ ԱԺ-ից։

Լրագրողը հետաքրքրվել է Արցախի Կաշենի հանքավայրի շուրջ տեղի ունեցող գործընթացներով: Նշենք, որ օրեր առաջ իբրեւ «բնապահպան», ադրբեջանցիները փորձել են մտնել Կաշենի հանքավայր: «Ինչո՞ւ Արցախի իշխանությունների հետ չեն համաձայնեցրել, միայն խաղաղապահների թույլտվությամբ է մեկօրյա այց նախատեսվել»,- հարցրել է լրագրողը:

Անդրանիկ Քոչարյանն այս կապակցությամբ նշել է. «Ես կարծում եմ, որ Ադրբեջանի իշխանություններն իրականացնում են լավ պլանավորված սադրիչ գործողություններ` դրանով լարվածություն ստեղծելով Արցախում: Բնականաբար, ակնկալիքն այն է, որ լարվածությունը կտեղափոխվի նաեւ Հայաստան: Ես կարծում եմ, որ պետք է լինել սառնասիրտ: Իրենց ցանկություններն իրենց ցանկություններն են, մեր նպատակները մնում են նույնը` անվտանգ կյանք Արցախի մեր հայրենակիցների համար եւ անվտանգության միջավայրի կառուցում Հայաստանի եւ Արցախի միասնական անվտանգային տարածքում: Վերջին հաշվով` խնդիրը լուծվել է խաղաղապահ ուժերի մասնակցությամբ, եւ խաղաղապահ ուժերն ունեն հենց խաղաղապահ առաքելությունը` նման լարվածությունները չեզոքացնելու: Այնպես պետք է անել, որ մենք էլ այդ ժամանակահատվածը ճիշտ օգտագործենք, որպեսզի մեր անվտանգային միջավայրը վերականգնի իր ուժը եւ բովանդակությունը»:

Ի պատասխան մեկ այլ լրագրողի հարցի, թե ինչպես են ադրբեջանցիները կարողացել հասնել հանքավայր, Անդրանիկ Քոչարյանն ասել է, որ այստեղ փոխհամաձայնեցված գործողություններ են տեղի ունեցել, եւ դա շատ ճիշտ է: Թե ում միջեւ են տեղի ունեցել փոխհամաձայնություններ, Անդրանիկ Քոչարյանը չի մանրամասնել` նշելով. «Չէին կարող «բնապահպանները» վերցնեին դրոշակները եւ գնային Արցախի ցանկացած միջավայր հասնեին: Դա նշանակում է, որ ինչ-որ համաձայնություն է եղել, որպեսզի նման լարվածությունները չկրկնվեն: Ադրբեջանը պետք է գիտակցի, որ ուժային ճանապարհի հեռանկարը, ըստ էության, նաեւ հակազդման հնարավորություն է ստեղծում նման խնդիրները կարգավորելու համար»: Պատգամավորի խոսքով Արցախի իշխանությունը պետք է միշտ կարողանա ռիսկերը կառավարել եւ կառավարում է: Ադրբեջանը միշտ էլ ունի ավելի մեծ ծրագրեր: Նա պետք է մի բան իմանա, որ նման քայլերով ստիպում է, որպեսզի Հայաստանը եւ Արցախն իրենց անվտանգային միջավայրը դարձնեն շատ ավելի գերակա:

Անդրադառնալով 2020 թվականի սեպտեմբերի 27-ին սանձազերծված ռազմական գործողությունների հանգամանքների ուսումնասիրման նպատակով ԱԺ քննիչ հանձնաժողովի կատարած աշխատանքներին` Անդրանիկ Քոչարյանը նշել է, որ հանձնաժողովի կողմից իրականացվող աշխատանքները խիստ գաղտնի են: Կատարված աշխատանքների հիման վրա հանձնաժողովի նախագահը զրուցել է Գլխավոր դատախազի հետ, որոշ դրվագների հետ կապված նյութեր կուղարկվեն Գլխավոր դատախազություն՝ ուսումնասիրելու համար:

Թե ում են պատրաստվում առաջիկայում հրավիրել հանձնաժողովի նիստին` հարցեր տալու համար, Անդրանիկ Քոչարյանը պատասխանել է. «Եթե շատ մտածեք, բոլորիդ համար ակնհայտ կլինեն հրավիրյալները: Բայց խնդիր կա: Առաջին հրավերները վերաբերում էին արտաքին բլոկին` Վարդան Օսկանյան, Ժիրայր Լիպարիտյան: Ժիրայր Լիպարիտյանը զանգահարել եւ ասել է, որ պատրաստ է: Վարդան Օսկանյանը հեռավար ասել է, որ պատրաստ չէ: Մովսես Հակոբյանն էլ ինչ-որ հայտարարություններ է արել»,- նշել է Անդրանիկ Քոչարյանը: Նա տեղեկացրել է, որ մշակվում է օրենսդրական նախաձեռնություն եւ հունվար ամսին կդրվի շրջանառության մեջ, ըստ որի՝ «Ազգային ժողովի կանոնակարգ» սահմանադրական օրենքում կնախատեսվեն խստացումներ հրավիրյալների չներկայանալու դեպքում:

«Ուսումնասիրվել են տասնյակ հազարավոր նյութեր, ինչը բավարար է, որ հանձնաժողովի նախագահը գրավոր նյութեր ուղարկի Գլխավոր դատախազություն: Վերջնահաշվարկում 44-օրյա պատերազմի արդյունքն ինչ-որ թերացումների արդյունք է, մեղմ ասած թերացումների»,- նշել է Անդրանիկ Քոչարյանը:

«Քննիչ հանձնաժողովի արձանագրումներն, առհասարակ, լավ հիմք են այս պահին տեղի ունեցող փոփոխությունների համար, քանի որ հստակ արձանագրված են մի շարք բացթողումներ, որոնք տարիներ ի վեր եղել են բանակում եւ հանգեցրել են կոնկրետ հետեւանքների»,- հավելել է «Քաղաքացիական պայմանագիր» խմբակցության քարտուղար Արթուր Հովհաննիսյանը: Ըստ նրա` Գլխավոր դատախազի փոփոխությունից հետո բավականին գործընթացներ են տեղի ունենում Դատախազությունում, եւ առաջիկայում կոնկրետ զարգացումներ կլինեն կոնկրետ անձերի վերաբերյալ: Հետեւաբար, նա առաջարկել է սպասել իրադարձությունների հետագա զարգացումներին:

Անդրանիկ Քոչարյանը տեղեկացրել է, որ ընդդիմությունը Քննիչ հանձնաժողովի աշխատանքներին չի մասնակցում` հավելելով, որ Պաշտպանության եւ անվտանգության հարցերի մշտական հանձնաժողովի աշխատանքների որոշ դրվագներին մասնակցում են, բայց ոչ բոլորը: «Անվտանգությունն այն ոլորտն է, որտեղ մենք բոլորս միասին պետք է բավականին մեծ արագությամբ եւ որակյալ ոչ միայն օրենսդրական, այլ նաեւ գործնական ներդրում ունենանք մեր բանակաշինության գործում»,- նշել է Անդրանիկ Քոչարյանը:

Հանձնաժողովի նախագահի խոսքով Կառավարությունը հանդես է եկել ծավալուն օրենսդրական նախաձեռնություններով, որոնք վերաբերում են պաշտպանության ոլորտին, անվտանգային միջավայրի կատարելագործմանը, Ներքին գործերի նախարարության ձեւավորմանը, պարեկապահակային ծառայությանը: Օրենսդրական նախաձեռնությունները մինչեւ նոր տարի ընդունված կլինեն: Իսկ բանակին վերաբերող փաթեթը կիրառման բուռն փուլում է գտնվում: