18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Մոսկվան համոզում է Թուրքիային՝ ցամաքային գործողություններ չսկսել Սիրիայում․ ՌԴ ԱԳՆ այս ուղղությամբ հաջողությունների մասին է հայտնել
Քաղաքականություն
12.12.2022 | 20:47
Մոսկվան շարունակում է համոզել Անկարային՝ Սիրիայում ցամաքային գործողություններ չսկսել, այս ուղղությամբ հաջողություններ կան։ Այս մասին հայտնել է ՌԴ նախագահի Մերձավոր Արևելքի և Աֆրիկայի հարցերով հատուկ ներկայացուցիչ, փոխարտգործնախարար Միխայիլ Բոգդանովը, փոխանցում է ՌԻԱ Նովոստին։
«Շփումները շարունակվում են, քանի դեռ չի սկսվել ցամաքային գործողությունը, նշանակում է, որ կան հաջողություններ։ Մենք կշարունակենք շփումները»,- լրագրողներին ասել է նա։
Նոյեմբերի 20-ից Անկարան օդային գործողություններ է իրականացնում Սիրիայի հյուսիսում՝ Թուրքիայում արգելված Քուրդիստանի աշխատավորական կուսակցության (PKK) սիրիական թևի դեմ: Հաղորդվում է, որ հարվածներ են հասցվել Քոբանի քաղաքին, ինչպես նաև Իրաքի հյուսիսում:
Թուրքիայի նախագահ Թայիփ Էրդողանը գործողությունն անվանել է հաջողված և չի բացառել, որ դրան կհաջորդի ցամաքային գործողությունը։
Տաթև Ֆռանգյան
