Տնտեսություն
12.12.2022 | 13:57Ընթանում է ՀՀ ԱԺ տարածաշրջանային և եվրասիական ինտեգրման հարցերի մշտական հանձնաժողովի նիստը։ Հանձնաժողովը քննարկում է հետևյալ հարցը. Հայաստանի Հանրապետության պարենային անվտանգության ապահովման արդի մարտահրավերները ԵԱՏՄ-ում ապրանքների ազատ տեղաշարժի համատեքստում:
«Քաղաքացիական պայմանագիր» խմբակցության պատգամավոր Խաչատուր Սուքիասյանը մտահոգություն արտահայտեց այն առնչությամբ, որ մեր երկրում հողի հազարավոր հեկտարներ չեն մշակվում։ «Էդքան հող անտեր թողած․․․ Կարելի է միլիարդների եկամուտ ստանալ, չենք ստանում»,- նշեց իշխանական պատգամավորը։
«Այսօր պարենի պահանջարկ կա ամբողջ աշխարհում։ ՀՀ-ում պրոբլեմատիկ խնդիր է այն, որ տարիներ առաջ թույլ է տրվել ՀՀ հողերը մաս-մաս սեփականաշնորհել։ Ոչ մի խոշոր ընկերություն հիմա չի կարողանում այդ հողերը միավորել և արդյումավետ և մրցունակ ապրանք տալ։ Շատ սեփականատրեր Հայաստանում չեն․․․
Պետք է շատ կտրուկ քայլերի գնալ։ Հողերը պետք է միացնել, որպեսզի կարողանանք ավելի շատ պարեն ունենալ և ավելի ցածր գներով»,- այս կարծիքը հայտնեց Սուքիասյանը։
Մանրամասները՝ տեսանյութում։
