13.03.2026 | 14:15
Հավաքվել ենք Բեռնում՝ նշելու ՀՀ դեսպանության բացումը Շվեյցարիայում․ Միրզոյան
Ադրբեջանցիները կրկին փակել են Լաչինի միջանցքը․ Դումանյանը հրաժարականի դիմում է ներկայացրել․ Լուրեր
Քաղաքականություն
12.12.2022 | 13:34
- Քաղաքացիական հագուստներով մի խումբ ադրբեջանցիներ, կրկին բնապահպանական պատճառաբանությամբ, այսօր առավոտյան ժամը 10:30-ի հատվածում փակել են Ստեփանակերտ-Գորիս մայրուղին։ Արցախի տեղեկատվական շտաբից հայտնում են, որ միջադեպի վերաբերյալ պատշաճ տեղեկացված է Արցախում տեղակայված ռուսական խաղաղապահ զորակազմի հրամանատարությունը: Արցախի լիազոր պետական մարմինները ձեռնարկում են բոլոր հնարավոր միջոցները իրավիճակի կարգավորման ուղղությամբ:
- «Ընդդեմ ցեղասպանության հանցագործության» գլոբալ ֆորումի ժամանակ վարչապետ Նիկոլ Փաշինյանն ասել է, որ տեսնում է հետևողական գործողություններ, որոնք ավելի ու ավելի առարկայական են դարձնում մտավախությունները, որ Ադրբեջանը Լեռնային Ղարաբաղում իսկապես ցեղասպանություն է կազմակերպում, նախապատրաստում:
- Կրթության, գիտության, մշակույթի և սպորտի նախարար Վահրամ Դումանյանն այսօր հրաժարականի դիմում է ներկայացրել։ Այս տեղեկությունը Factor.am-ի հետ զրույցում հաստատեց ԿԳՄՍՆ խոսնակ Գեղամ Մելիքբեկյանը։ Դումանյանը նախարարի պաշտոնը զբաղեցնում էր 2020-ի նոյեմբերի 23-ից։
Այս ժամի լուրերը՝ տեսանյութում։
