11.12.2024 | 12:12
Կասեցնում եմ ՔՊ-ի հետ համագործակցությունս․ խմբակցությունից, գուցե, դուրս գամ, մանդատս վայր չդնեմ․ Հակոբ Ասլանյան․ ՏԵՍԱՆՅՈՒԹ
ԵՄ պատժամիջոցների նոր փաթեթը դեռ պատրաստ չէ․ Բորել
Քաղաքականություն
12.12.2022 | 14:07
Այսօր սպասվում է Ռուսաստանի դեմ ԵՄ պատժամիջոցների հաջորդ՝ իններորդ փաթեթը, սակայն այն դեռ պատրաստ չէ։ Reuters-ին այս մասին ասել է ԵՄ արտաքին քաղաքականության ղեկավար Ժոզեպ Բորելը, փոխանցում է BBC-ի ռուսական ծառայությունը։
Բրյուսելում մեկնարկում է ԵՄ անդամ 27 երկրների արտգործնախարարների հանդիպումը։ Բորելի խոսքով՝ իրենք դեռ համաձայնության չեն եկել սահմանափակումների բոլոր միջոցների շուրջ։ Բորելը հույս ունի, որ դա տեղի կունենա երկուշաբթի կամ երեքշաբթի օրվա ընթացքում:
Ավելի վաղ հաղորդվել էր, որ նոր փաթեթով առաջարկվում է պատժամիջոցները երկարաձգել ևս շուրջ 200 ֆիզիկական և իրավաբանական անձանց նկատմամբ։ Ենթադրվում էին նաև Իրանի դեմ պատժամիջոցներ՝ կապված Ռուսաստանին զենքի, առաջին հերթին՝ կամիկաձե անօդաչու թռչող սարքերի մատակարարման հետ։
Տաթև Ֆռանգյան
