16.09.2026 | 15:53
FIA-ն ներկայացրել է Ֆորմուլա-1-ի օրացույցը 2027-ին. ԼՈՒՍԱՆԿԱՐ
Մերձմոսկվայում հերթական առևտրի կենտրոնն է այրվում․ հրդեհի մակերեսը կազմում է 10 հազար քմ
Քաղաքականություն
12.12.2022 | 13:01
Մերձմոսկովյան Բալաշիխայում այսօր առավոտյան հրդեհ է բռնկվել «Ստրոյպարկ» առևտրի կենտրոնում, հայտնում է Մոսկվայի մարզի ԱԻՆ-ը։ Հրշեջ-փրկարարները ժամանելուն պես հայտնաբերել են բաց տարածքում վառվող աղբ։ ՏԱՍՍ-ի փոխանցմամբ՝ կրակը տարածվել է առաջին հարկում, անվտանգության աշխատակից է տուժել։
Առևտրի կենտրոնի հաճախորդներին և աշխատակիցներին տարհանում են։ Մոսկվայի ժամանակով ժամը 10:30-ին հրդեհի մակերեսը կազմել է 5․000 քառակուսի մետրի, այնուհետև՝ 10․000 քառակուսի մետրի։ Հրդեհին տրվել է բարդության չորրորդ աստիճան, հաղորդում է «Մոսկվա» գործակալությունը։
Հրդեհաշիջման աշխատանքներում ներգրավվել է 35 միավոր տեխնիկա և 110 մարդ։ Դատախազությունը հետաքննություն է սկսել։
ՏԱՍՍ-ը, վկայակոչելով արտակարգ իրավիճակների ծառայությունների նախնական տեղեկությունը, գրում է, որ հրդեհի պատճառն անձրևի հետևանքով կարճ միացումն է եղել։
Հիշեցնենք, որ դեկտեմբերի 9-ին խոշոր հրդեհ էր բռնկվել Մոսկվայի «Մեգա Խիմկի» առևտրի կենտրոնում․ կրակը բռնկվել է OBI հիպերմարկետի տարածքում, մակերեսը կազմել է 17 հազար քմ։ Մահացել է կենտրոնի անվտանգության աշխատակիցը, իսկ շինարարական հիպերմարկետը գրեթե ամբողջությամբ այրվել է։ Եվս մեկ լուրջ հրդեհ էլ Մոսկվայում գրանցվել էր նոյեմբերի վերջին՝ Կոմսոմոլսկայա հրապարակի մոտ։
Տաթև Ֆռանգյան
