30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Ֆրանսիան` «Մանկական Եվրատեսիլ»-ի հաղթող. ԼՈւՍԱՆԿԱՐՆԵՐ
Մշակույթ
11.12.2022 | 21:20
Երևանում անցկացված «Մանկական Եվրատեսիլ 2022» երգի միջազգային մրցույթում հաղթեց Ֆրանսիան` 203 միավորով: Հայաստանը զբաղեցրեց 2-րդ հորիզոնականը` ստանալով 180 միավոր: 3-րդ հորիզոնականը զբաղեցրեց Վրաստանը` 161 միավորով:
Մեր պատվիրակ 13-ամյա Նարե Ղազարյանը ելույթ ունեցավ 15 համարի ներքո` կատարելով «DANCE!» երգը։
«Մանկական Եվրատեսիլ 2022»-ի եզրափակիչն անցկացվում էր Երևանի Կարեն Դեմիրճյանի անվան մարզահամերգային համալիրում։ Մրցույթին մասնակցում էր 16 երկիր։ Կարգախոսն էր` «Պտտիր հրաշքը», իսկ խորհրդանիշը` հայկական զարդանախշերով հոլը։ Այսօր Մեծ Բրիտանիայի և Սերբիայի ներկայացուցիչները ելույթ չունեցան մրցութային շոուի ժամանակ, քանի որ վատառողջ էին: Այս տարի Ռուսաստանը չէր մասնակցում մրցույթին. Եվրոպական հեռարձակողների միությունը ՌԴ-ին հեռացրել էր «Եվրատեսիլ» երաժշտական մրցույթից։
Նշենք, որ «Մանկական Եվրատեսիլ» մրցույթը Հայաստանը հյուրընկալում էր արդեն երկրորդ անգամ։ 2010 թվականին Վլադիմիր Արզումանյանն իր «Մամա» երգով հաղթանակ տարավ, ու հաջորդ տարի մրցույթն անցկացվեց Հայաստանում։
Անցյալ տարի 14-ամյա Մալենան իր «Քամի, քամի» երգով, ստանալով 224 միավոր, հաղթեց 19-րդ «Մանկական Եվրատեսիլ»-ում` մրցույթը կրկին բերելով Երևան:
Արփի Հակոբյան
