15.09.2026 | 12:25
Լոռու Սարատովկա բնակավայրում կասեցվել է ձկնաբուծարանի ապօրինի ջրառը
Factor TV-ն հատուկ մրցանակի է արժանացել. 2 անվանակարգում մրցանակ են ստացել մեր լրագրողները․ ՏԵՍԱՆՅՈՒԹ
Հասարակություն
10.12.2022 | 19:01
Այսօր մարդու իրավունքների միջազգային օրն է։ Օրվա խորհուրդի շրջանակներում կայացավ «ՀՈԴՎԱԾ 3․ Լրագրողները՝ հանուն իրավունքների» ամենամյա մրցանակաբաշխությունը, որի հիմնական նպատակը մարդու իրավունքների լուսաբանման խթանումն է, մարդու իրավունքների թեմաներով հոդվածների բովանդակության որակի բարձրացումն ու խնդիրների վերհանման զգայուն և ճիշտ մոտեցումների արմատավորումը։
ՀՀ-ում մարդու իրավունքների խախտումների մասին մշտապես բարձրաձայնող և հիմնախնդիրը հետևողականորեն լուսաբանող Factor TV-ն արժանացավ հատուկ մրցանակի՝ կանանց իրավունքերին վերաբերող թեմաները լուսաբանելու համար։ «Factor TV-ն մրցանակին արժանանում է դատական նիստերը հետևողական լուսաբանելու համար»,- իր խոսքում նշեց իրավապաշտպան Զառա Հովհաննիսյանը։
Հատուկ մրցանակի արժանացավ նաև կանանց նկատմամբ բռնությունները հոդվածաշարով լուսաբանող Արման Ղարիբյանը, իսկ Factor TV-ի լրագրող Նարեկ Կիրակոսյանն արժանացավ լավագույն տեսանյութ անվանակարգի 3-րդ մրցանակի՝ ոստիկանության կողմից քաղաքացիների իրավունքների ոտնահարման մասին տեսանյութի համար։
«Հոդված 3» լրագրողները` հանուն իրավունքների» մրցանակաբաշխությունը կազմակերպվել է «Հանուն հավասար իրավունքների» կրթական կենտրոն ՀԿ-ի և «Հոդված 3» ակումբի կողմից՝ Հայաստանում Նիդեռլանդների թագավորության դեսպանատան և «Հանուն ժողովրդավարության եվրոպական հիմնադրամի» (European Endowment for Democracy) աջակցությամբ:
