17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Զինված հարձակում Դրեզդենում․ պատանդներ վերցրած տղամարդը ձերբակալվել է
Քաղաքականություն
10.12.2022 | 17:33
Դեկտեմբերի 10-ի առավոտյան ատրճանակով զինված տղամարդը փորձել է ներխուժել տեղի Radio Dresden ռադիոկայանի շենք։ Ինչպես փոխանցում է DW-ն՝ տղամարդը կրակ է բացել գլխավոր մուտքի դռան ուղղությամբ, սակայն ներս մտնել չի կարողացել։ Ռադիոկայանի աշխատակիցները հասցրել են թաքնվել անվտանգ վայրում։ Այնուհետև չարագործը մեքենայով ուղևորվել է քաղաքի կենտրոնական մաս, որտեղ թաքնվել է Аltmarktgalerie առևտրի կենտրոնում գտնվող խանութներից մեկում:
Դրեզդենի ոստիկանությունը հայտնել է, որ ձերբակալել է AltmarktGalerie առևտրի կենտրոնում երկու պատանդ վերցրած տղամարդուն: Պատանդներից ոչ ոք չի տուժել։ Հարձակվողը վիրավորվել է վնասազերծման գործողության ժամանակ։ Ոստիկանությունը ենթադրում է, որ նա տառապում է հոգեկան հիվանդությամբ։
Ավելի ուշ Դրեզդենի ոստիկանությունը հայտնել է, որ Պրոլիս քաղաքի բազմաբնակարան շենքերից մեկում հայտնաբերվել է սպանված 62-ամյա կնոջ մարմինը, և որ սպանության մեջ կասկածվողը նրա 40-ամյա որդին է։ Ոստիկանությունն այս հանցագործությունը կապում է Դրեզդենի կենտրոնում պատանդներ վերցնելու հետ։
