12.12.2024 | 10:40
ՀԱՄԱՍ-ն առաջին անգամ հնարավոր է համարել Իսրայելի հետ գործարքի հնարավորությունը. WSJ
Մենք Եվրոպայի հետ ընդհանուր ապագա ունենալ չենք կարող․ Էրդողան
Քաղաքականություն
09.12.2022 | 20:43
TRT World forum-ի ժամանակ Էրդողանն անդրադարձել Եվրոպայի հետ Թուրքիայի ունեցած հարաբերություններին և F-16 կործանիչներին։
Ermenihaber-ի հաղորդմամբ՝ նա, մասնավորապես նշել է, որ Եվրոպան լքել է իրենց (Թուրքիային-խմբ․) և միայնակ թողել ահաբեկչության դեմ պայքարում, և դա երբեք չի մոռացվի։
«Եվրոպական Միությանը լիարժեք անդամակցությանը մեր դեմ կիրառվող մի շարք էմբարգոներն անգամ չեմ էլ հաշվում։ ՆԱՏՕ-ում միասին ենք, այդքան զենք-զինամթերք, ռազմական տեխնիկա ինչպե՞ս ես ուղարկում։ Ասում են, թե չկա նման բան։ Ահաբեկիչների դեմ մեր պայքարում մեզնից հաշիվ ոչ ոք չի կարող պահանջել»,- ասել է նա։
Խոսելով F-16 կործանիչների մասին՝ Էրդողանն ասել է, որ անընդունելի է համարում Էգեյան և Միջերկրական ծովերում «Հունաստանի սադրիչ» գործողություններին աջակցելը։ Այնուհետև վրդովված ավելացրել է, որ իրենք ԱՄՆ-ին փոխանցել են F-16 կործանիչների գումարը, բայց մինչ օրս չեն կարողացել լուծել այդ հարցը, մինչդեռ Հունաստանն ԱՄՆ-ից զենք է ստանում ապառազմականացված կղզիներում տեղակայելու համար։
