17.02.2026 | 17:51
Կաթողիկոսի եղբոր գործով դատական նիստին տեսանյութ հրապարակվեց․ ՏԵՍԱՆՅՈՒԹ
ՀՀ-ն մինչև տարեվերջ 100 մլն դոլար և 100 մլն եվրո վարկ կվերցնի. ԱԺ-ն կողմ քվեարկեց
Քաղաքականություն
09.12.2022 | 19:20
Ազգային ժողովն այսօր արտահերթ նիստով քննարկեց «Հայաստանի Հանրապետության և Ասիական զարգացման բանկի միջև 2022 թվականի նոյեմբերի 17-ին ստորագրված «Հարկաբյուջետային կայունության և ֆինանսական շուկաների զարգացման ծրագիր» վարկային համաձայնագիրը վավերացնելու մասին նախագիծը: Ըստ նախագծի՝ Հայաստանին կտրամադրվի 100 մլն ԱՄՆ դոլար՝ լողացող տոկոսադրույքով։ Վարկը տրամադրվելու է 12 տարի ժամկետով, որից 3 տարին արտոնյալ ժամկետ է լինելու: Բյուջետային աջակցության միջոցներն ուղղվելու են «Հայաստանի Հանրապետության 2022 թվականի պետական բյուջեի մասին» ՀՀ օրենքով սահմանված պակասուրդի ֆինանսավորմանը, հետևաբար՝ վարկային միջոցների ժամանակին ստացումը կարևոր նշանակություն ունի պետական բյուջեի կատեգորիաներով նախատեսված ծախսերի ֆինանսավորման տեսանկյունից:
Զարգացման ֆրանսիական գործակալության տրամադրած վարկի դեպքում կառավարությունն ինքը կարող է ընտրություն կատարել` ֆիքսված, թե լողացող տոկոսադրույքով։ Ֆիքսվածի դեպքում տոկոսադրույքը կլինի 3.87։
«Սա համապատասխանում է Արժույթի միջազգային հիմնադրամի հետ ունեցած մեր պայմանավորվածություններին, ըստ այդմ` ներգրավվող վարկերը պետք է ունենան առնվազն 30 տոկոս գրանտային էլեմենտ»,– նշեց Ֆինանսների փոխնախարար Վահե Հովհաննիսյանը։ Ասիական բանկի վարկի նախագիծն ընդունվեց 60 կողմ, 26 դեմ ձայներով, իսկ Զարգացման Ֆրանսիական գործակալության վարկի նախագիծը՝ 64 կողմ, 27 դեմ ձայներով։
