Քաղաքականություն
09.12.2022 | 17:38
Եվրասիական տնտեսական (ԵՏՄ) միության երկրների ղեկավարները Բիշքեկում կայացած գագաթնաժողովի արդյունքներով ստորագրել են 15 փաստաթուղթ, հաղորդում է Կրեմլի մամուլի ծառայությունը։
Ստորագրված փաստաթղթերի թվում են՝
-2014 թվականի մայիսի 29-ի Եվրասիական տնտեսական միության մասին պայմանագրում փոփոխություններ կատարելու մասին արձանագրությունը՝ էլեկտրոնային եղանակով ծառայություններ մատուցելիս անուղղակի հարկերի գանձման կարգը սահմանելու առումով;
-«Արաբական Միացյալ Էմիրությունների հետ ազատ առևտրի համաձայնագրի կնքման շուրջ բանակցություններ սկսելու մասին» որոշումը;
-«Եվրասիական տնտեսական միության 2023 թվականի միջազգային գործունեության հիմնական ուղղությունների մասին» որոշումը;
-«Եվրասիական տնտեսական միության մարմիններում նախագահության մասին» որոշումը։
Գագաթնաժողովը տեղի է ունեցել Ղրղզստանի մայրաքաղաքում։ Բանակցություններին մասնակցել են Հայաստանի վարչապետ Նիկոլ Փաշինյանը, ՌԴ նախագահ Վլադիմիր Պուտինը, Բելառուսի նախագահ Ալեքսանդր Լուկաշենկոն, Ղազախստանի նախագահ Կասիմ-Ժոմարտ Տոկաևը, Ղրղզստանի նախագահ Սադիր Ջապարովը, Եվրասիական տնտեսական հանձնաժողովի կոլեգիայի նախագահ Միխայիլ Մյասնիկովիչը։
Տաթև Ֆռանգյան
