30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Մենք կարևորում ենք Հայաստանի ԶՈՒ ներուժի մեծացումը․ Շոյգու
Քաղաքականություն
09.12.2022 | 16:58
Արդեն հայտնել էինք՝ որ ՀՀ պաշտպանության նախարար Սուրեն Պապիկյանը Շանհայի համագործակցության կազմակերպության անդամ երկրների պաշտպանական գերատեսչությունների ղեկավարների և Անկախ Պետությունների Համագործակցության անդամների հետ հանդիպման շրջանակում աշխատանքային հանդիպում է ունեցել ՌԴ պաշտպանության բանակի գեներալ Սերգեյ Շոյգուն հետ։
«Հայաստանը մեր դաշնակիցն է ՀԱՊԿ-ում և առանցքային ռազմավարական գործընկերը Անդրկովկասում, մենք չափազանց շահագրգռված ենք տարածաշրջանում կայունության պահպանման հարցում և գործադրում ենք բոլոր ջանքերը դրա համար։ Մենք առանձնահատուկ կարևորում ենք երկկողմ համագործակցության զարգացումը և աջակցությունը Հայաստանի զինված ուժերի ներուժի մեծացմանը»,- Սերգեյ Շոյգուի խոսքերն է մեջբերում ՏԱՍՍ-ը։
Հանդիպման ընթացքում պաշտպանության գերատեսչությունների ղեկավարները հաստատել են երկու երկրների պաշտպանության նախարարությունների 2023 թվականի համագործակցության ծրագիրը։
ՌԴ ռազմական գերատեսչության ղեկավարը նաև ընդգծել է, որ ռուսական կողմը պատրաստ է շարունակել համատեղ աշխատանքը։
Իր հերթին, ՀՀ պաշտպանության նախարար Սուրեն Պապիկյանը նշել է, որ սա այս տարվա չորրորդ հանդիպումն է։«Մենք բարձր ենք գնահատում գագաթնաժողովը կազմակերպելու ձեր նախաձեռնությունն ու ջանքերը: Դեկտեմբերը միշտ ամփոփելու և ապագայի ծրագրեր կազմելու ժամանակ է, և այսօր մենք կստորագրենք 2023 թվականի պլանը», – ասել է նա:
Տաթև Ֆռանգյան
