16.09.2026 | 12:10
Փաշինյանը Հեսսենի խաղաղության մրցանակ կստանա // ԶՈՒ ԳՇ պետը գիշերային անակնկալ ստուգայց է կատարել․ ԼՈՒՐԵՐ
Բլինքենը վստահ է, որ Շվեդիան և Ֆինլանդիան մոտ ապագայում կմիանան ՆԱՏՕ-ին
Քաղաքականություն
09.12.2022 | 21:17
ԱՄՆ-ը վստահ է, որ Ֆինլանդիայի և Շվեդիայի անդամակցությունը ՆԱՏՕ-ին շուտով կհաստատվի՝ չնայած Թուրքիայում և Հունգարիայում վավերացման հետաձգմանը։ Այս մասին ասել է պետքարտուղար Էնթոնի Բլինքենը, գրում է VOA-ն։
Ֆինն և շվեդ գործընկերների հետ հանդիպումից հետո Բլինքենը հայտարարել է, որ երկու երկրներն էլ անկեղծություն են ցուցաբերել դաշինքին միանալու և այդ ուղղությամբ ջանքերի հարցում՝ օգնելու Ուկրաինային դիմակայել ռուսական ներխուժմանը:
«Երկու երկրներն էլ նշանակալի, կոնկրետ քայլեր են ձեռնարկել իրենց պարտավորությունները կատարելու համար, այդ թվում՝ մեր դաշնակցի՝ Թուրքիայի անվտանգության մտահոգությունների հետ կապված։ Քանի դեռ անդամակցության գործընթացը շարունակվում է, ԱՄՆ-ը վճռականորեն աջակցում է Ֆինլանդիայի և Շվեդիայի անդամակցությանը»,- ասել է Բլինքենը։
Միևնույն ժամանակ, Բլինքենը ենթադրել է, որ Թուրքիայի մտահոգությունները, հատկապես՝ նախկինում Շվեդիայի կողմից քրդական խմբավորումներին աջակցության վերաբերյալ, որն Անկարան դիտարկում է որպես սպառնալիք, մոտ ապագայում կվերացվեն։
Տաթև Ֆռանգյան
