30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Փաշինյան-Պուտին հանդիպում կլինի․ Երևանի նախկին փոխքաղաքապետը չկալանավորվեց․ Լուրեր
Քաղաքականություն
09.12.2022 | 14:35
- Գիշերը ՀՀ ՊՆ-ն հայտնել է, որ երեկ ժամը 20:20-ի սահմաններում, Ադրբեջանի ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել Ներքին Հանդի ուղղությամբ տեղակայված հայկական դիրքերի ուղղությամբ: Հայկական կողմը կորուստներ չի ունեցել: Ժամը 23:00-ի դրությամբ իրադրությունն առաջնագծում հարաբերականորեն կայուն է եղել:
- Վարչապետ Նիկոլ Փաշինյանը Բիշքեկում մասնակցում է Եվրասիական տնտեսական բարձրագույն խորհրդի հերթական նիստին: Նախատեսված է նաև նրա երկկողմ հանդիպումը Ռուսաստանի նախագահ Վլադիմիր Պուտինի հետ։
- Factor.am-ի տեղեկություններով Երևանի նախկին փոխքսղաքապետ Վահե Նիկոյանն ազատ է արձակվել։ Երևանի ընդհանուր իրավասության դատարանը երեկ որոշում է կայացրել մերժել Հակակոռուպցիոն կոմիտեի կողմից ներկայացված կալանավորմամ մասին միջնորդությունը։ Այս պահին հայտնի չէ՝ ինչ խափանման միջոց է ընտրվել նախկին փոխքսղաքապետի նկատմամբ։ Նիկոյանը ձերբակալվել էր դեկտեմբերի 6-ին։
- Ռուսաստանի նախագահ Վլադիմիր Պուտինը հաստատել է, որ ռուսական կողմը թիրախավորում է Ուկրաինայի էներգետիկ ենթակառուցվածքները։ Նա նաև ասել է, որ այդ ոճի հարձակումներ առաջինը սկսել է Ուկրաինան՝ պայթեցնելով Ղրիմի կամուրջը։
Այս ժամի լուրերը՝ տեսանյութում։
