15.01.2025 | 17:53
Քանի դեռ ՀԱՊԿ գործընկերները չեն փոխել իրենց դիրքորոշումը, մեր վերաբերմունքը լեգիտիմ է․ Պապիկյան․ ՏԵՍԱՆՅՈՒԹ
«Միջազգային մեխանիզմի ստեղծման հարցը բացառվում է»․ Հաջիևն արձագանքել է Արմեն Գրիգորյանին
Քաղաքականություն
09.12.2022 | 13:21
Ադրբեջանի նախագահի օգնական Հիքմեթ Հաջիևը պատասխանել է ՀՀ Անվտանգության խորհրդի քարտուղար Արմեն Գրիգորյանի հայտարարությանն այն մասին, որ Վաշինգտոնում «համաձայնություն է ձեռք բերվել ստեղծել միջազգային մեխանիզմ, որպեսզի Լեռնային Ղարաբաղը և Ադրբեջանը քննարկեն Լեռնային Ղարաբաղի հայերի իրավունքները և անվտանգությունը»։
«Գիտեք, որ իմ և Ադրբեջանի նախագահի օգնականի վաշինգտոնյան հանդիպումից հետո համաձայնություն կար ստեղծելու միջազգային մեխանիզմ, որպեսզի ԼՂ-ն և Ադրբեջանը քննարկեն ԼՂ հայերի իրավունքները և անվտանգությունը: Մինչ այս պահն այդ մեխանիզմի մասին հստակություն չկա: Նաև հստակություն չկա՝ խաղաղության պայմանագրո՞վ ենք դա անելու, թե՞ խաղաղության պայմանագրից դուրս»,- երեկ խորհրդարանում լրագրողների հետ ճեպազրույցում ասել էր Արմեն Գրիգորյանը:
Անդրադառնալով ՀՀ ԱԽ քարտուղարի այս հայտարարությանը՝ Հաջիևն ասել է․ «Ղարաբաղում բնակվող հայերի իրավունքների և անվտանգության միջազգային մեխանիզմների ստեղծման վերաբերյալ համաձայնագրի ձեռքբերման մասին հայտարարությունները սուտ են»։
Ադրբեջանի նախագահի օգնականը, այնուամենայնիվ, խոստովանել է, որ նման հարց քննարկվել է։
«Բանակցություններում որևէ հարցի քննարկումը չի նշանակում, որ այդ հարցում պայմանավորվածություն է ձեռք բերվել։ Սեպտեմբերի 27-ին Վաշինգտոնում Սպիտակ տանը կայացած հանդիպմանը, որը կազմակերպել էր ԱՄՆ ազգային անվտանգության հարցերով խորհրդական Ջեյք Սալիվանը, մենք կրկնեցինք, որ Ադրբեջանը չի քննարկի Ղարաբաղում բնակվող հայ բնակչության իրավունքներն ու անվտանգությունը միջազգային որևէ գործընկերոջ հետ, դա մեր երկրի ներքին գործն է՝ Ադրբեջանի Սահմանադրության և օրենքների հիման վրա կարգավորվող, ազգային ինքնիշխանության, միջազգային մեխանիզմի ստեղծման հարցը բացառվում է»,- հայտարարել է ադրբեջանցի պաշտոնյան։
Ազգային ժողովում գտնվող ՀՀ Անվտանգության խորհրդի քարտուղար Արմեն Գրիգորյանն արձագանքել է Հաջիևի հայտարարություններին՝ նշելով, որ կան բաներ, որոնք հերքելը հնարավոր չէ։
«Բանակցություններին, որոնք ընթացել են սենյակում, միայն հայկական կողմը չի եղել, ամերիկյան կողմն էլ է եղել, և արձանագրություն կա դրա մասին, որի վերաբերյալ ադրբեջանական կողմը տեղյակ է, և ես զարմանում եմ, որ հերքում է փաստված բաները»,- ասել է Գրիգորյանը։
Տաթև Ֆռանգյան
