16.09.2026 | 11:22
«Արարատ-Արմենիան» մեկնարկում է Եվրոպա լիգայի հիմնական փուլում
Ուկրաինան ռուսական ավիաբազաներին հարվածել է խորհրդային մոդիֆիկացված Տու-141 անօդաչու սարքերով․ Politico
Քաղաքականություն
09.12.2022 | 15:04
Politico-ն, հղում անելով ուկրաինական աղբյուրներին, հայտնում է, որ Ուկրաինայի Զինված ուժերն Էնգելսում և Ռյազանում ռուսական երկու ավիաբազաներին հարված են հասցրել ուկրաինացի մասնագետների կողմից մոդիֆիկացված խորհրդային Տու-141 անօդաչուներով, գրում է BBC-ի ռուսական ծառայությունը։
Դեկտեմբերի 5-ին տեղի ունեցած հարձակման ժամանակ երեք ռուս զինծառայող է զոհվել, և ըստ չհաստատված տեղեկությունների՝ երկու ռազմավարական ռմբակոծիչ է խոցվել։ Այն մասին, որ հարձակումն իրականացվել է խորհրդային անօդաչու թռչող սարքերի օգնությամբ, հայտարարել է ՌԴ ՊՆ-ն։ Իսկ ՌԴ բանակին սատարող բլոգերներն ու լրագրողները նշել են, որ խոսքը «Տու-141 Ստրիժ» սարքերի մասին է, որոնք ստեղծվել են 1960-ական թվականներին և նախատեսված են եղել հետախուզության համար։
Հիմա էլ Politico-ի հետ զրույցում այս վարկածը հաստատել են գործողության մանրամասներին ծանոթ երկու անանուն ուկրաինական աղբյուրներ։ Նրանց հաղորդմամբ՝ անօդաչուները մոդիֆիկացվել են ուկրաինացի մասնագետների կողմից, որն ապացուցում է դրանց նորարար լուծումները, այն ժամանակ, երբ Ռուսաստանը ստիպված է էժան անօդաչուներ գնել Իրանից՝ Ուկրաինային հարվածելու համար։
«Հաջողության հիմնական գործոնը զարմանքն էր։ Ռուսաստանը նման բան չէր սպասում։ Հիմա նրանք պատրաստ կլինեն դրան»,- լրատվականին ասել է զրուցակիցներից մեկը, որն աշխատում է ուկրաինական կառավարական կառույցներում։
Աղբյուրների տվյալներով՝ տեխնոլոգիաները, որոնք օգտագործվել են Տու-141-ի մոդիֆիկացիայի համար, մշակվել են Ուկրաինայում, չեն տրամադրվել ԱՄՆ-ի կամ արևմտյան այլ երկրի կողմից։
Էմմա Չոբանյան
