09.09.2026 | 15:33
ՊԵԿ-ը ստուգել է Նարեկ Նալբանդյանի բիզնեսները․ ՏԵՍԱՆՅՈւԹ
Խոշոր հրդեհ՝ Մոսկվայի «Մեգա Խիմկի» առևտրի կենտրոնում․ ՏԵՍԱՆՅՈՒԹ
Քաղաքականություն
09.12.2022 | 11:11
Ուրբաթ առավոտյան խոշոր հրդեհ է բռնկվել «Մեգա Խիմկի» խոշոր առևտրի կենտրոնում, որը գտնվում է Մոսկվայի Լենինգրադյան մայրուղու վրա։ Հրդեհը բռնկվել է առավոտյան ժամը 6-ին կենտրոնում գտնվող OBI խանութում։ Հրդեհի հետեւանքով մեկ մարդ է զոհվել, ՌԻԱ Նովոստիին հայտնել են Մոսկվայի մարզի ԱԻՆ գլխավոր վարչությունում։
Ինչպես հայտնում է ՏԱՍՍ-ը՝ վկայակոչելով արտակարգ իրավիճակների ծառայությունների տվյալները, կրակը տարածվել է առևտրի համալիրի ողջ տարածքում։ Հրդեհի մակերեսն ընդգրկում է 18 հազար քառակուսի մետր։ Ինչպես ՌԻԱ Նովոստիին հայտնել են արտակարգ իրավիճակների նախարարությունից, հրդեհի պատճառներն են սարքավորումների անսարքությունը և աշխատանքի ընթացքում հրդեհային անվտանգության կանոնների խախտումը:
Ժամը 08:25-ին հրդեհը մեկուսացվել է 7000 քմ տարածքում։ ՌԻԱ Նովոստիի թղթակցի փոխանցմամբ՝ այրվող առևտրի կենտրոնի տարածքում պայթյուններ են հնչել։ Ըստ փրկարար ծառայության տվյալների՝ պայթում են ներկերի և աերոզոլների տարաներ:
Մանրամասները՝ տեսանյութում։
Տաթև Ֆռանգյան
