09.10.2026 | 15:23
ԱԱԾ-ն հերքում է Մեղրիում ադրբեջանցիների լինելու լուրը // Ադրբեջաներեն երգ՝ Փաշինյանի տեսանյութում․ ԼՈՒՐԵՐ
ՔՊ-ի ցուցակը գլխավորողը նշանակվեց Անիի համայնքապետի պաշտոնակատար
Քաղաքականություն
09.12.2022 | 10:07
Վարչապետ Նիկոլ Փաշինյանի որոշմամբ Շիրակի մարզի Անի խոշորացված համայնքի համայնքապետի ժամանակավոր պաշտոնակատար է նշանակվել Արման Սարիբեկյանը։
Վերջինս Անիի ՏԻՄ ընտրություններում գլխավորում էր «Քաղաքացիական պայմանագիր» կուսակցության ցուցակը։ Նա «Հայփոստի» տեղի պատասխանատուներից էր։
Հիշեցնենք, որ այստեղ տեղական իշխանություն այդպես էլ չձևավորվեց․ ՏԻՄ ընտրություններին մասնակցած երեք քաղաքական ուժերն այդպես էլ կոալիցիա չկազմեցին, որի պատճառով վարչապետի որոշմամբ նշանակվեց համայնքապետի ժամանակավոր պաշտոնակատար, իսկ մարտի 26-ին տեղի կունենան նոր ընտրություններ։
Քաղաքական ուժերից ամենաշատ ձայները հավաքել էր «Ազգ-համայնք» դաշինքը, որը գլխավորում էր Անիի 18 տարվա համայնքապետ Արտակ Գևորգյանը, այս ուժը ստացել էր 10 մանդատ, «Քաղաքացիական պայմանագիր» կուսակցությունը ստացել էր 8 մանդատ, իսկ նորաստեղծ «Հայկական երազանք» կուսակցությունը՝ 3 ։
Այս ուժերից և ոչ մեկը չէր կարողացել հավաքել ձայների կեսից ավելին, ուստի և տեղական իշխանություն ձևավորելու միակ տարբերակը մնում էր կոալիցիա կազմելը։
Արմիկ Մովսիսյան
