30.10.2026 | 09:35
Հայաստանի գավաթում հայտնի են քառորդ եզրափակիչի բոլոր մասնակիցները
ԵՄ երկրները 2,1 մլրդ դոլարով կհամալրեն Ուկրաինային ռազմական օգնության վճարման հիմնադրամը
Քաղաքականություն
08.12.2022 | 23:08
Եվրամիության երկրները մտադիր են համալրել խաղաղության եվրոպական հիմնադրամը, որը վճարել է Ուկրաինային ռազմական օգնության համար, ևս 2 միլիարդ եվրոյով (2,1 միլիարդ դոլար): Այս մասին հինգշաբթի հայտնել է Reuters գործակալությունը՝ վկայակոչելով դիվանագետներին, փոխանցում է ՏԱՍՍ-ը։
Նշվում է, որ ԵՄ ԱԳ նախարարները հիմնադրամի համալրման մասին որոշում կկայացնեն դեկտեմբերի 12-ին Բրյուսելում կայանալիք հանդիպմանը։
Նոյեմբերի 14-ին եվրոպական դիվանագիտության ղեկավար Ժոզեպ Բորելը կոչ էր արել համալրել այս հիմնադրամը մինչև տարեվերջ, քանի որ ուկրաինական հակամարտության ավելի քան ինը ամիսների ընթացքում նրա միջոցները ծախսվել են Կիևին օգնելու համար, հայտնել է Reuters-ը։
Խաղաղության եվրոպական հիմնադրամը ստեղծվել է 2021 թվականին, որի սկզբնական նպատակն էր ֆինանսավորել ռազմական գնումները՝ աջակցելու Աֆրիկայի երկրներին: 2021 թվականին հիմնադրամը համալրվել է 5,7 միլիարդ եվրոյով (6 միլիարդ դոլար) մինչև 2027 թվականն ընկած ժամանակահատվածում։
