26.07.2026 | 23:49
ՃՏՊ՝ հրդեհի բռնկմամբ․ կան զոհեր և տուժածներ
Արևմուտքի տարբերակ չկա, կա ռուսական տարբերակ. Արմեն Գրիգորյան․ ՏԵՍԱՆՅՈՒԹ
Քաղաքականություն
08.12.2022 | 17:42
Խաղաղության պայմանագրի տեքստի երկու տարբերակ կա, մեկն առաջարկել է Ռուսաստանի Դաշնությունը, մյուսն այն տեքստն է, որի վրա հիմա աշխատում ենք։ Այսդ մասին լրագրողների հետ զրույցում հայտնեց ՀՀ անվտանգության խորհրդի քարտուղար Արմեն Գրիգորյանը:
ԱԽ քարտուղարը վստահեցրեց, որ Արևմուտքը որևէ տեքստ չի առաջարկել Հայաստանին։
«Արևմուտքը փորձել է միջավայր ստեղծել բանակցությունների համար, Մոսկվան ևս այսպիսի միջավայր փորձում է ստեղծել ու այստեղ կարևոր է, որ մենք խաղաղության հասնենք: Հայաստանն ու Ադրբեջանն են այս ուղղությամբ հիմնական շահառուն», – ընդգծեց Գրիգորյանը։
ՀՀ ԱԽ քարտուղարը, անդրադառնալով դիտարկմանը, որ վարչապետ Նիկոլ Փաշինյանն էր հայտարարել, թե կա երկու տարբերակ`ռուսական ու արևմտյան, Արմեն Գրիգորյանն արձագանքեց. «Ես կարծում եմ, որ խոսքերը աղավաղված եք ներկայացնում, չկա այդպիսի տեքստ: Համոզված եմ, որ մեր կողմից չի կարող որևիցե մեկն ասել, որ կա երկու տեքստ:
Հայկական կողմը Բրյուսելից, Վաշինգտոնից կամ որևէ այլ մայրաքաղաքից թուղթ չենք ստացել խաղաղության պայմանագրի վերաբերյալ»:
Մանրամասները՝ տեսանյութում։
