09.10.2026 | 11:13
ՈՒԵՖԱ-ի անդամ բոլոր երկրները միացել են ՖԻՖԱ-ում բարեփոխումների կոչին՝ բացառությամբ Ադրբեջանի
Զախարովան հայտարարել է, թե ԱՄՆ-ը և Ֆրանսիան «իրենք են թաղել ԵԱՀԿ Մինսկի խմբի ձևաչափը»
Քաղաքականություն
08.12.2022 | 17:08
ԱՄՆ-ը և Ֆրանսիան իրենք են դադարեցրել ԵԱՀԿ Մինսկի խմբի համանախագահների «եռյակի» աշխատանքը ղարաբաղյան հակամարտության կարգավորման հարցով։ Այս մասին ամենշաբաթյա ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան՝ պատասխանելով հարցին, թե ինչո՞ւ Մոսկվան, Փարիզը և Վաշինգտոնը չեն կարող միասին աշխատել ղարաբաղյան կարգավորման հարցով։
«ՌԴ ԱԳ նախարար Սերգեյ Լավրովն արդեն գնահատական տվել է, այդ թվում՝ ԵԱՀԿ Մինսկի խմբի գործունեությանը։ Քանի որ դրա համանախագահները՝ Վաշինգտոնը և Փարիզը, հորինված պատրվակներով այս տարվա փետրվարին հրաժարվեցին համագործակցել Մոսկվայի հետ, նրանք այն թաղեցին որպես միջազգային հարթակ»,- հայտարարել է Զախարովան։
Նա հավելել է, որ Ռուսաստանի և Արևմուտքի միջև համագործակցության խափանման համատեքստում բացառություն չէին նաև Անդրկովկասում անվտանգության և կայունության վերաբերյալ Ժնևյան քննարկումները։
Տաթև Ֆռանգյան
