30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Փաշինյանը՝ Երևանի փոշու մակարդակի մասին․ Արտաքին հետախուզությունը կենթարկվի վարչապետին․ Լուրեր
Քաղաքականություն
08.12.2022 | 16:06
- Հայաստանում կստեղծվի արտաքին հետախուզական ծառայություն՝ ազգային անվտանգության ծառայությունից դուրս։ Այս մասին նախագիծը հավանության է արժանացել կառավարության նիստում։ Նախագծի համաձայն՝ ծառայությունը կենթարկվի վարչապետին։
- Քննչական կոմիտեն որոշել է կարճել ԲԴԽ նախկին նախագահ Ռուբեն Վարդազարյանի և ԲԴԽ նախագահի նախկին ժամանակավոր պաշտոնակատար Գագիկ Ջհանգիրյանի միջև խոսակցության ձայնագրության հրապարակումից հետո հարուցված քրեական վարույթը: Factor.am-ի հետ զրույցում Վարդազարյանը նշեց, որ վարույթն իրականացնող մարմինն իրենց այս մասին տեղեկացրել և ժամանակ է տվել` միջնորդություններ ներկայացնելու համար:
- Կառավարության այսօրվա նիստում վարչապետ Նիկոլ Փաշինյանը նշեց, որ շինարարության ծավալները շատ մեծ թափ են հավաքել, բայց, մյուս կողմից՝ փոշով աղտոտվածության շատ բարձր ցուցանիշներ են արձանագրվել Երևանում: Ըստ Փաշինյանի՝ սրա պատճառներից մեկն այն է, որ շինհրապարակներում ստանդարտները չեն պահպանվում, և իրենք պետք է այս հարցում հետևողական լինեն։
Այս ժամի լուրերը՝ տեսանյութում։
