17.08.2026 | 23:08
Զորականում և Ամասիայում շչակներ են փորձարկվելու
Սաակաշվիլին հրաժարվել է արյան անալիզ հանձնել քննչական գործողությունների համար
Քաղաքականություն
08.12.2022 | 17:34
Վրաստանի նախկին նախագահ Միխեիլ Սաակաշվիլին հրաժարվել է արյան անալիզ հանձնել քննչական գործողությունների համար։ Այս մասին հայտնում է Գազետան՝ վկայակոչելով Վրաստանի Հատուկ քննչական ծառայության ներկայացուցիչ Վասիլի Կակաշվիլիի հայտարարությունը։
«Միխեիլ Սահակաշվիլին այսօր հրաժարվել է քննչական գործողությունների մասնակցել։ Նա բացատրել է, թե առողջական խնդիրների պատճառով չի ցանկացել անալիզներ հանձնել»,- ասել է նա։
Կակաշվիլին պարզաբանել է, որ հետաքննությունը Սաակաշվիլիից լրացուցիչ արյան նմուշներ է պահանջել՝ նախկին նախագահի հնարավոր թունավորման մասին տեղեկատվության հետ կապված քննչական գործողություններ իրականացնելու համար։
Բժիշկներն ասել են, որ չեն կարող բուժել Սաակաշվիլիին։ Նրանք Վրաստանի նախկին նախագահի վիճակը գնահատում են ծանր. Սաակաշվիլին տառապում է օրգանիզմի չորրորդ աստիճանի հյուծվածությամբ, որը վտանգավոր է նրա կյանքի համար։ Բժիշկները կարծում են, որ եթե Սաակաշվիլիի առողջական վիճակը նույն տեմպերով շարունակի վատանալ, նա կարող է ապրել ընդամենը մի քանի ամիս։
Նախկինում հրապարակվել էր բժշկական փորձաքննության եզրակացությունը, ըստ որի՝ վեց տարվա ազատազրկման դատապարտված Սաակաշվիլիի մոտ հայտնաբերվել է ազատազրկման հետ անհամատեղելի տասը ախտորոշում։ Նրա օրգանիզմում հայտնաբերել են բարիումի, բիսմուտի, սնդիկի ավելացված պարունակություն, որոնք վտանգավոր են առողջության համար։
Տաթև Ֆռանգյան
