Քաղաքականություն
08.12.2022 | 13:56
Ուկրաինական դատարանն ազատազրկման է դատապարտել Ադրբեջանի քաղաքացի, Արցախյան 44-օրյա պատերազմի մասնակից Միսիր Գասիմլիին և նրա ընկերոջը՝ Սուբհան Գուլիևին, գրում են ադրբեջանական լրատվականները։
Նրանք մեղավոր են ճանաչվել մարդու առևանգման, խուլիգանության ու զենք պահելու համար։ Դատարանը երկուսին էլ 8 տարի ժամկետով ազատազրկման է դատապարտել։
Հաղորդվում է, որ վճռի հրապարակումից հետո դատապարտյալները դատարանում ոչ ադեկվատ պահվածք են դրևսորել։
Հավելենք, որ Դասիմլին և Գուլիևը ձերբակալվել էին 2021 թվականի հունիսին Կիևում։ Նրանք Կիևի ռեստորաններից մեկում ծանոթացել են հայկական ծագումով Իսպանիայի քաղաքացու հետ, այնուհետև առևանգել են նրան, ծեծել և թալանել։
Ադրբեջանցիները, ինչպես կարելի էր սպասել, հերքում են այս ամենը և փորձում են գործին քաղաքական ենթատեքստ տալ։ Նրանք պատրաստվում են բողոքարկել դատավճիռը։
Էմմա Չոբանյան
